కమల్​కు షాక్​- భాజపాలోకి ఎంఎన్ఎం ప్రధాన కార్యదర్శి

ఎంఎన్​ఎమ్​ పార్టీ అధినేత కమల్​ హాసన్​కు గట్టి ఎదురుదెబ్బ తగిలింది. ఆ పార్టీ ప్రధాన కార్యదర్శి అరుణాచలం.. భాజపా గూటికి చేరారు. కేంద్ర మంత్రి ప్రకాశ్​ జావడేకర్​ సమక్షంలో కాషాయ తీర్థం పుచ్చుకున్నారు.

మక్కల్​ నీధి మయ్యం(ఎంఎన్​ఎమ్​) పార్టీ అధినేత కమల్​ హాసన్​కు షాకిచ్చారు ఆ పార్టీ ప్రధాన కార్యదర్శి అరుణాచలం. కమల్​ రెండో దశ ప్రచారం కార్యక్రమంలో ఉండగా.. అరుణాచలం పార్టీని వీడి, భాజపాలో చేరారు. చెన్నైలోని భాజపా కార్యాలయంలో కేంద్ర మంత్రి ప్రకాశ్​ జావడేకర్​ సమక్షంలో కాషాయ కండువా కప్పుకున్నారు అరుణాచలం.

"రైతులకు ఉపయోగకరంగా ఉన్నందున సాగు చట్టాలు మద్దతివ్వాలని కమల్​ను కోరాను. అయితే వారి రాజకీయ ప్రయోజనాల కోసం వాటిని వ్యతిరేకిస్తున్నారు" అని విమర్శించారు అరుణాచలం.

ఇదీ చూడండి:కళగమ్​ పార్టీలతో పొత్తు ఉండదు: కమల్​