బంగాల్లో అధికార తృణమూల్ కాంగ్రెస్ ఎమ్మెల్యే సత్యజిత్ బిస్వాస్ హత్య కేసు నిందితుడిగా భాజపా సీనియర్‌ నేత ముకుల్ రాయ్ పేరు నమోదైంది. ఈ మేరకు సీఐడీ శనివారం స్థానిక కోర్టులో అనుబంధ ఛార్జిషీట్‌ దాఖలు చేసింది. గత ఏడాది ఫిబ్రవరిలో జరిగిన ఎమ్మెల్యే హత్యకు ప్రధాన కుట్రదారు ముకుల్‌రాయ్‌ అని అందులో పేర్కొంది.
టీఎమ్సీ ఎమ్మెల్యే హత్య కుట్రదారుగా ముకుల్‌రాయ్‌! - TMC MLA murder case latest news
బంగాల్లో తృణమూల్ కాంగ్రెస్ ఎమ్మెల్యే సత్యజిత్ బిస్వాస్ హత్య కేసులో భాజపా నేత ముకుల్ రాయ్ పేరు నమోదు చేసింది సీఐడీ. గత ఏడాది ఫిబ్రవరిలో జరిగిన ఎమ్మెల్యే హత్యకు ప్రధాన కుట్రదారు ముకుల్‌రాయ్‌ అని ఛార్జిషీట్‌లో పేర్కొంది.
తృణమూల్ ఎమ్మెల్యే హత్య కుట్రదారుగా ముకుల్‌రాయ్‌!
ఈ విషయంపై భాజపా మండిపడింది. సీఐడీ చర్య వెనుక ముఖ్యమంత్రి మమతా బెనర్జీ కుట్ర ఉందని భాజపా అధికార ప్రతినిధి కైలాశ్‌ విజయ్‌వర్గియా ఆరోపించారు. రాజకీయాల్లో హింసను తానెప్పుడూ ప్రోత్సహించలేదంటూ ముకుల్‌రాయ్‌ స్పందించారు. బంగాల్లో ప్రతిపక్షాన్ని అణచివేయాలనే ప్రయత్నమే కనిపిస్తోందన్నారు.