జమ్ముకశ్మీర్ పూంచ్ జిల్లాలో ఉగ్రవాదుల కుట్రను భగ్నం చేశాయి భద్రతాదళాలు. ఉగ్రవాదుల స్థావరం గుర్తించి 19 గ్రెనేడ్లు స్వాధీనం చేసుకున్నట్లు అధికారులు తెలిపారు.
జమ్ము-పూంచ్ జాతీయ రహదారి(144ఏ)లో భద్రతా దళాలపై ఉగ్రవాదులు దాడికి ప్రణాళిక రచించారని ఓ సైనికాధికారి తెలిపారు. ముందస్తు సమాచారంతో ఫాగ్లాలోని సురంకోట్ ప్రాంతంలో రాష్ట్రీయ రైఫిల్స్, పోలీసులు గాలింపు చర్యలు చేపట్టినట్లు పేర్కొన్నారు.