కశ్మీర్​లో మరో ఉగ్రకుట్ర భగ్నం

కశ్మీర్​లో మరో ఉగ్రకుట్రను భగ్నం చేశాయి భద్రతా బలగాలు. కుప్వారా జిల్లాలో ఉగ్రవాదులు సైన్యంపై చేయాలనుకున్న గ్రెనేడ్​ దాడిని సమర్థంగా నిలువరించాయి.

ఉత్తర కశ్మీర్​లోని కుప్వారా జిల్లా బస్టాండ్​ సమీపంలో శుక్రవారం ఉదయం అనుమానిత ఉగ్రవాదులు భద్రతా దళాలపై గ్రెనేడ్​లు విసిరారు. ఈ ఘటనతో అప్రమత్తమైన బలగాలు వెంటనే ఆ ప్రాంతాన్ని చుట్టుముట్టాయి. ఆ గ్రెనేడ్​ పేలకపోవడం వల్ల ఎలాంటి ప్రాణ, అస్తి నష్టం వాటిల్లలేనదని స్థానిక ఎస్​ఎస్పీ అంబార్కర్​ శ్రీరామ్​ దిన్​కర్​ పేర్కొన్నారు.

ఈ నెలారంభంలో.. ఓ ఉగ్ర సహాయకుడు ముజామిల్​ ఖాదిర్​ భట్​ను కశ్మీర్​ పోలీసులు అరెస్ట్​ చేశారు. అతని వద్ద నుంచి జైషే మహ్మద్​కు చెందిన ఆయుధ సామగ్రి, ఓ హ్యాండ్​ గ్రెనేడ్​ను స్వాధీనం చేసుకున్నారు. పోలీసులు, 42 రాష్ట్రీయ రైఫిల్స్​, సెంట్రల్​ రిజర్వ్​ పోలీస్​ ఫోర్స్​(సీఆర్పీఎఫ్​)కు చెందిన 180 బెటాలియన్ల బృందం.. సంయుక్తంగా ఈ ఆపరేషన్​ను నిర్వహించింది.

ఇదీ చదవండి:భారత్​లో ఉండేందుకు జపనీయుడి 'కుర్చీ' ప్లాన్