మూడో భార్యతో కలిసి రెండో భార్య హత్య.. పెట్రోల్ పోసి నిప్పంటించి..

SECOND WIFE MURDER: మూడు పెళ్లిళ్లు... రెండో భార్యకు తెలియకుండా ప్రేయసితో వివాహం... మూడో భార్యతో కలిసి రెండో భార్య హత్యకు పథకం... గొంతునులిమి చంపి, శరీరంపై పెట్రోల్ పోసి నిప్పు.. ఓ కిరాతక భర్త చేసిన క్రూరమిది. అసలేమైందంటే?

SECOND WIFE MURDER: మూడో భార్యతో కలిసి రెండో భార్యను హత్య చేసిన వ్యక్తిని పోలీసులు అదుపులోకి తీసుకున్నారు. ఇటీవల సగం కాలిన శవాన్ని గుర్తించిన పోలీసులు.. దర్యాప్తు చేసి నిందితుడిని పట్టుకున్నారు. మూడో భార్యతో కలిసి ఈ ఘటనకు పాల్పడినట్లు తేల్చారు. ఛత్తీస్​గఢ్​లోని కంకేర్​లో ఈ ఘటన జరిగింది.

Chhattisgarh Second wife killing news: నిందితుడు తులసీదాస్ మానిక్​పురి మూడు పెళ్లిళ్లు చేసుకున్నాడు. 2009లో తొలిసారి వివాహం చేసుకొని.. ఆ తర్వాత విడిపోయాడు. 2014లో మరోసారి పెళ్లి చేసుకున్నాడు. ఇక 2021లో ఇంద్రాణి అనే మహిళతో ప్రేమలో పడ్డాడు. రెండో భార్యకు విడాకులు ఇవ్వకుండానే ప్రేయసిని వివాహమాడాడు. పెళ్లి తర్వాత రెండో భార్యతో వివాదాలు తలెత్తాయి. దీంతో ఆమెను వదిలించుకోవాలని భావించి.. మూడో భార్యతో కలిసి పథకం ప్రకారం హత్య చేశాడు.

నిందితుడు తులసీదాస్, అతడి మూడో భార్య ఇంద్రాణి

'మహిళను గొంతునులిమి చంపేశారు. మృతదేహాన్ని బరోడా నుంచి కోక్డికి సఫారీ వాహనంలో తీసుకెళ్లారు. శరీరాన్ని పూర్తిగా నామరూపాల్లేకుండా చేయాలని భావించారు. శరీరంపై పెట్రోల్ పోసి నిప్పంటించారు' అని పోలీసులు తెలిపారు. నిందితుడు మార్క్​ఫెడ్​లో ఫీల్డ్ అసిస్టెంట్​గా పనిచేస్తున్నాడని తెలిపారు. హత్య చేసిన తర్వాత నిందితుడు ఉడాయించాడని చెప్పారు. తరచూ తన లొకేషన్​ను మార్చుకుంటున్నాడని వెల్లడించారు. అతడిని పట్టుకునేందుకు రాయ్​పుర్, బాలోద్, కవార్దా, దుర్గ్ జిల్లాల్లో పోలీసులు విస్తృత తనిఖీలు నిర్వహించారు. అనంతరం అరెస్టు చేశారు. అతడి మూడో భార్య ఇంద్రాణిని రాయ్​పుర్​లో అదుపులోకి తీసుకున్నాడు.

పోలీసుల అదుపులో నిందితులు

ఇదీ చదవండి:వీధి కుక్కల దాడి- రెండున్నర ఏళ్ల చిన్నారి మృతి