దేశవ్యాప్తంగా కరోనా సెకండ్ వేవ్ కోరలు చాస్తోన్న క్రమంలో వైరస్పై ఇండియన్ కౌన్సిల్ ఆఫ్ మెడికల్ రీసెర్చ్( ఐసీఎంఆర్) డైరెక్టర్ జనరల్ డాక్టర్. బలరాం భార్గవ కీలక వ్యాఖ్యలు చేశారు. గత కరోనా వైరస్తో పోల్చితే.. సెకండ్ వేవ్ తీవ్రత తక్కువేనని స్పష్టం చేశారు. వైరస్ వచ్చిన వారిలో లక్షణాలు తక్కువగా కనబడుతున్నాయన్నారు.
" కరోనా బారిన పడుతున్న వారిలో 70 శాతం మంది 40 ఏళ్లు, అంతకంటే ఎక్కువ వయసువారే ఉన్నారు. ఈ సంవత్సరం చాలా మంది లక్షణాలు లేకుండానే ఆసుపత్రులకు వస్తున్నారు. ఎక్కువశాతం శ్వాస సంబంధిత సమస్యలతోనే వస్తున్నారు. కరోనా మొదటి దశ, రెండో దశలో మరణాల రేటులో మాత్రం తేడా లేదు."
-- డాక్టర్. బలరాం భార్గవ, ఐసీఎంఆర్ డైరెక్టర్ జనరల్
భారత్లో 'డబుల్ మ్యూటెంట్' వ్యాప్తి ఆధారాలు లేవన్నారు బలరాం. మూడు ప్రధాన వేరియంట్లు అయిన యూకే, దక్షిణాఫ్రికా, బ్రెజిల్.. రకం వైరస్లు దేశంలోకి ఇప్పటికే వచ్చాయని పేర్కొన్నారు. మెుదటి వేవ్‌లో41.5శాతం కరోనా బాధితులకు ఆక్సిజన్‌ అవసరమైందన్న ఐసీఎంఆర్ప్రస్తుతం54.5శాతం మందికి ప్రాణవాయువు అవసరంఏర్పడినట్లు చెప్పింది. మరోవైపు గతంతో పోలిస్తే లక్షణాలు లేని రోగుల శాతం ఈ సారిఅధికంగా ఉన్నట్లు తెలిపింది. గతంలో30ఏళ్లు లోపున్న వారు31శాతం మంది కరోనా బారిన పడితే..... ఈ దఫా అది32శాతంగాఉన్నట్లు ఐసీఎంఆర్ చెప్పింది.
దేశంలో కరోనా విజృంభణ కొనసాగుతోంది. సోమవారం ఒక్కరోజే 2.73 లక్షల కేసులు నమోదయ్యాయి. వైరస్ ధాటికి 1,619 మంది మరణించారు. దీంతో భారత్లో మొత్తం కేసుల సంఖ్య కోటీ 50 లక్షల 61వేలు దాటాయి.
ఇదీ చదవండి :ఫార్మా సంస్థలు, ప్రముఖ వైద్యులతో మోదీ భేటీ
