గుజరాత్ హైకోర్ట్ మాస్క్​ రూల్స్​పై సుప్రీం స్టే

కరోనా కట్టడి విషయంలో గుజరాత్ ప్రభుత్వానికి ఆ రాష్ట్ర హైకోర్టు ఇచ్చిన ఆదేశాలపై స్టే ఇచ్చింది సుప్రీం కోర్టు. మాస్కు ధరించని వారిని కొవిడ్ కేర్ సెంటర్లో పనిచేయించాలని హైకోర్ట్ ఇచ్చిన ఆదేశాలను తప్పుపట్టింది.

మాస్కు ధరించని వారు కొవిడ్-19 కేర్ సెంటర్స్​లో పనిచేసేలా గుజరాత్ ప్రభుత్వం ఉత్తర్వులు జారీ చేయాలన్న గుజరాత్ హైకోర్టు ఆదేశాలపై సుప్రీం కోర్టు స్టే విధించింది.

హైకోర్టు ఆదేశాలను సవాలు చేస్తూ రాష్ట్ర ప్రభుత్వం వేసిన పిటిషన్​పై జస్టిస్​ అశోక్ భూషన్, జస్టిస్ సుభాశ్ రెడ్డి, జస్టిస్ ఎమ్​.ఆర్ షాతో కూడిన త్రిసభ్య ధర్మాసనం ఈ మేరకు తీర్పు ఇచ్చింది. గుజరాత్​ హైకోర్టు ఇచ్చింది కఠినమైన ఆదేశాలని పేర్కొంది.

ఇదీ చదవండి:మాస్కు ధరించకపోతే కొవిడ్ సెంటర్లో డ్యూటీ!

రాష్ట్రంలో కొవిడ్​ నిబంధనలను ప్రజలు ఉల్లంఘిస్తున్నారనే విషయంపై సుప్రీం ధర్మాసనం ఆగ్రహం వ్యక్తం చేసింది. కేంద్ర, రాష్ట్ర ప్రభుత్వాల ఆదేశాల ప్రకారం... ప్రజలు మాస్కులు ధరించడం, భౌతిక దూరం నియమాలను తప్పనిసరిగా పాటించేలా చేయాలని రాష్ట్ర అదనపు ముఖ్య కార్యదర్శిని ఆదేశించింది.

ఇదీ చదవండి:రానున్న శాసనసభ ఎన్నికల్లో గెలుస్తాం: రజనీ