సెంట్రల్ విస్టా వ్యాజ్యంపై విచారణకు సుప్రీం నో

కొవిడ్ పరిస్థితుల్లో నూతన పార్లమెంట్ నిర్మాణ పనులు కొనసాగించడంపై దాఖలైన వ్యాజ్యంపై విచారణ జరిపేందుకు సుప్రీం కోర్టు నిరాకరించింది. ఈ అంశంపై పిటిషనర్లు దిల్లీ హైకోర్టును ఆశ్రయించాలని సూచించింది.

దేశంలో కొవిడ్ విపత్కర పరిస్థితుల్లో సెంట్రల్​ విస్టా(నూతన పార్లమెంటు) నిర్మాణ పనులు నిలిపివేయాలంటూ దాఖలైన ప్రజాప్రయోజన వ్యాజ్యంపై విచారణకు సుప్రీం కోర్టు నిరాకరించింది. ఈ విషయంపై పిటిషనర్లు దిల్లీ హైకోర్టును ఆశ్రయించొచ్చని తెలిపింది.

మే 10 ఈ అంశంపై హైకోర్టులో విచారణ జరిపేందుకు పిటిషన్ దాఖలు చేయమని సీనియర్ న్యాయవాది సిద్ధార్థ్ లుత్రాకు సూచించింది సుప్రీం కోర్టు.

ఇదీ చదవండి:'సెంట్రల్ విస్టా నిర్మాణం ఓ అపరాధం'