'నోటాకు ఎక్కువ ఓట్లు వస్తే ఎన్నిక రద్దు?'

నోటాకు అధిక ఓట్లు వస్తే ఆ ఎన్నికలను రద్దు చేయాలని కోరుతూ భాజపా నేత ఒకరు.. సుప్రీం కోర్టులో వ్యాజ్యం దాఖలు చేశారు. దీనిపై విచారణ జరిపిన న్యాయస్థానం.. వివరణ ఇవ్వాలని కేంద్రంతో పాటు, ఎన్నికల సంఘానికి నోటీసులు పంపించింది.

అధిక ఓట్లు నోటాకు వస్తే.. ఆ ఎన్నికలను రద్దు చేయాలని దాఖలైన వ్యాజ్యంపై సోమవారం సుప్రీం కోర్టు ఎన్నికల సంఘంతో పాటు, కేంద్రానికి నోటీసులు జారీ చేసింది.

భాజపా నేత, న్యాయవాది అశ్వినీ కుమార్ ఉపాధ్యాయ ఈ వ్యాజ్యం దాఖలు చేశారు. నోటాకు మెజార్టీ ఓట్లు వచ్చి తర్వాత ఆ ఎన్నికలను రద్దు చేయాలని, అనంతరం మళ్లీ నిర్వహించాలని కోరారు. అయితే.. కొత్త జరిపే ఎన్నికల్లో ఇంతకుముందు పోటీ చేసిన రాజకీయ పార్టీలు పాల్గొనకుండా ఆదేశించాలని అభ్యర్థించారు.

ఈ విజ్ఞప్తిపై అభిప్రాయం చెప్పాలని కేంద్ర ఎన్నికల సంఘంతో పాటు, కేంద్ర న్యాయ మంత్రిత్వ శాఖను ఆదేశించింది సుప్రీంకోర్టు.