'సీజేఐ పదవిని వారు ఒక్కసారి కూడా చేపట్టలేదు'

సుప్రీంకోర్టు చరిత్రలో ఇంతవరకు ఏ ఒక్క మహిళా న్యాయమూర్తి కూడా సీజేఐ పదవిని చేపట్టలేదని అటార్నీ జనరల్​ కేకే వేణుగోపాల్ చెప్పారు​. న్యాయవ్యవస్థలో మహిళా న్యాయమూర్తుల సంఖ్య పెరిగితేనే లైంగిక హింస కేసుల్లో సమతుల్యత ఏర్పడుతుందని అభిప్రాయపడ్డారు.

భారత ప్రధాన న్యాయమూర్తి(సీజేఐ) పదవిలో ఇంతవరకు ఒక్క మహిళా న్యాయమూర్తి కూడా లేరని అటార్నీ జనరల్​ కేకే వేణుగోపాల్​ సుప్రీంకోర్టులో బుధవారం వ్యాఖ్యానించారు. న్యాయవ్యవస్థలో మహిళా న్యాయమూర్తుల సంఖ్యను పెంచడం వల్ల లైంగిక హింస వంటి కేసుల్లో సమతుల్యత పెరుగుతుందని అన్నారు.

సుప్రీంకోర్టులో మొత్తం కేటాయించిన 34 మంది మహిళా న్యాయమూర్తుల్లో ప్రస్తుతం ఇద్దరు మాత్రమే ఉన్నారని అటార్నీ జనరల్​ పేర్కొన్నారు. దేశంలోని అన్నిహైకోర్టుల్లో 1,113 మంది మహిళా న్యాయమూర్తులను కేటాయించగా.. 80 మంది మహిళా న్యాయమూర్తులు మాత్రమే విధుల్లో ఉన్నారని చెప్పారు.

లైంగిక వేధింపుల కేసులో బాధితురాలికి 'రాఖీ' కట్టాలనే నిబంధన మీద ఓ నిందితుడికి మధ్యప్రదేశ్​ హైకోర్టు ఇటీవల బెయిల్ ఇచ్చింది. ఈ తీర్పును సవాల్​ చేస్తూ అపర్ణ భట్​ అనే న్యాయవాది.. సుప్రీం కోర్టును ఆశ్రయించారు. లైంగిక హింసకు గురైన బాధితురాలిని నిందితుని సమక్షంలోకి వెళ్లకుండా చర్యలు తీసకోవాలని న్యాయస్థానాన్ని భట్ కోరారు.​ ఈ నేపథ్యంలో అటార్నీ జనరల్​ ఈ వ్యాఖ్యలు చేశారు.

ఇదీ చూడండి:దర్యాప్తు సంస్థల్లో సీసీటీవీల ఏర్పాటుకు సుప్రీం ఆదేశం