ఎస్​బీఐలో 6,100 ఉద్యోగాలు- అప్లై చేయండిలా..

ఎస్​బీఐ ఉద్యోగాల(bank jobs india) నోటిఫికేషన్ విడుదలైంది. అప్రెంటిస్​ ప్రాతిపదికన 6,100 పోస్టులను భర్తీ చేయనుంది. మరి వీటికి ఎలా అప్లై చేయాలి? ఎంపికైతే స్టైపెండ్ ఎంత? అనే వివరాలు తెలుసుకోండి..

భారతీయ స్టేట్ బ్యాంకులో పనిచేయాలనుకునే వారికి శుభవార్త. 6,100 అప్రెంటిస్ పోస్టులను(bank jobs India) ఎస్​బీఐ నోటిఫికేషన్ విడుదల చేసింది. జులై 26 వరకు ఈ పోస్టులకు దరఖాస్తు చేసుకునే అవకాశం ఉంది.

రాష్ట్రాలవారీగా ఈ నియామక ప్రక్రియ జరగనుంది. అయితే అప్లికేషన్ సమయంలో ఒకే రాష్ట్రాన్ని ఎంచుకునే వీలుంటుంది. రిజిస్ట్రేషన్ సందర్భంగా మూడు జిల్లాలను(bank jobs in Hyderabad) ఎంపిక చేసుకునే అవకాశం ఉంటుంది.

అప్లై చేసుకోవడం ఎలాగంటే...

1. ఎస్​బీఐ అధికారిక వెబ్​సైట్ sbi.co.inలోకి వెళ్లాలి.
2. హోమ్ పేజీలో కిందకు స్క్రోల్ చేసి... కెరీర్స్ ఆప్షన్​పై క్లిక్ చేయాలి
3. కొత్త పేజీలో తాజా ప్రకటనల విభాగం ఉంటుంది. అందులో Engagement of Apprentices Under The Apprentices Act, 1961 అనే ప్రకటన పక్కన ఉండే అప్లై ఆన్​లైన్ బటన్​ను క్లిక్ చేయాలి.
4. మరో పేజీ ఓపెన్ అయిన తర్వాత 'నూతన రిజిస్ట్రేషన్​' ఆప్షన్​ను ఎంచుకోవాలి.
5. అందులో వ్యక్తిగత, విద్యా సంబంధిత వివరాలన్నీ నమోదు చేయాలి. అనంతరం సబ్మిట్ బటన్​పై క్లిక్ చేయాలి.
6. అప్రెంటిస్​షిప్ దరఖాస్తును ప్రింట్ తీసుకోవాలి.

జులై 26 వరకు దరఖాస్తు చేసుకోవచ్చు. జులై 6 నుంచి 26 మధ్య పరీక్షా రుసుం చెల్లించే వీలుంది. అప్లికేషన్లను డౌన్​లోడ్ చేసుకోవడానికి ఆగస్టు 10 వరకు అవకాశం ఉంటుంది.

ఫీజు ఎంత?

జనరల్, ఓబీసీ, ఈడబ్ల్యూఎస్ కేటగిరీ అభ్యర్థులకు రూ.300. ఎస్సీ, ఎస్టీ కేటగిరీ అభ్యర్థులు పరీక్షా రుసుం చెల్లించాల్సిన అవసరం లేదు.

అప్రెంటిస్​షిప్​కు ఎంపికైతే నెలకు రూ.15 వేల చొప్పున స్టైపెండ్ అందుతుంది. ఈ అప్రెంటిస్​షిప్ కాలపరిమితి ఒక ఏడాది.

ఇదీ చదవండి:Viral Video: ఘనంగా గజ'రాజు' బర్త్​డే వేడుక