ఆసుపత్రి నుంచి శశికళ డిశ్చార్జ్​

అన్నాడీఎంకే బహిష్కృత నేత శశికళ బెంగళూరు ఆసుపత్రి నుంచి డిశ్చార్జ్ అయ్యారు. శశికళ డిశ్చార్జ్‌ సందర్భంగా ఆసుపత్రికి అభిమానులు భారీగా చేరుకున్నారు. ప్లకార్డులు పట్టుకొని నినాదాలు చేశారు.

అక్రమాస్తుల కేసులో నాలుగేళ్ల జైలు శిక్ష పూర్తి చేసుకుని బెంగళూరు ఆసుపత్రిలో కరోనాకు చికిత్స చేయించుకున్న అన్నాడీఎంకే బహిష్కృత నాయకురాలు శశికళ డిశ్చార్జ్ అయ్యారు. ఆసుపత్రిలో 11 రోజులుగా చికిత్స తీసుకుంటున్న ఆమె... 3 రోజులుగా వెంటిలేటర్‌ లేకుండానే శ్వాస తీసుకుంటున్నారని వైద్యులు తెలిపారు. డిశ్చార్జ్ అయిన తర్వాత క్వారంటైన్ లో ఉండాలని సూచించారు.

శశికళ డిశ్చార్జ్‌ సందర్భంగా ఆసుపత్రికి అభిమానులు భారీగా చేరుకున్నారు. ప్లకార్డులు పట్టుకొని నినాదాలు చేశారు.

నేరుగా రిసార్టుకు..

ఆస్పత్రి నుంచి బెంగళూరులోని ప్రెస్టీజ్​ గోల్ఫ్​షైర్​ రిసార్టుకు వెళ్లారు శశికళ. 7 రోజుల పాటు అక్కడే క్వారంటైన్​లో ఉంటారని ఆమె మేనల్లుడు టీటీవీ దినకరన్​ తెలిపారు.