ఆమె ఓ సాధారణ గృహిణి. వయస్సు 70 ఏళ్ల పైమాటే. ముగ్గురు సంతానం. ఇంట్లో తీరికలేని పని. అయినా 20 ఏళ్లుగా రోజూ 20 కిలోమీటర్లకు పైగా ప్రయాణించి మూగ జీవాల ఆకలి తీరుస్తోంది. విశ్రాంతి తీసుకోవాల్సిన వయస్సులో ఆమె ఎందుకు ఇలా చేస్తుంది. తెలుసుకుందాం..
చుట్టూ చేరిన వానరాల ఆకలి తీరుస్తున్న ఈమే పేరు సువర్ణమ్మ. స్వస్థలం కర్ణాటకలోని నాగయాన్‌పాల్యా. గత 20 ఏళ్లుగా మూగజీవాల ఆకలి తీరుస్తున్నారు. సొంతూరుకు 20 కిలోమీటర్ల దూరంలో ఉన్న కొడగండ్లకు రోజు వెళ్తారు. వచ్చే దారిలో మూగజీవాల కోసం కూరగాయలు, పళ్లు, ఇతర ఆహార పదార్థాలు కొనుగోలు చేస్తారు. తీసుకొచ్చిన ఆహార పదార్థాలను అక్కడ ఉన్న వానరాలకు ప్రేమతో అందిస్తున్నారు. బుట్టతో సువర్ణమ్మ రాకను గమనించిన వెంటనే అక్కడి వానారాలు ఆమె చుట్టూ చేరి గోలపెడతాయి. కురగాయాలు తీసుకుని మెళ్లగా చెట్లు, గోడలపైకి ఎక్కి ఆరగిస్తాయి. కోతి పిల్లలు మాత్రం సువర్ణమ్మ భుజంపై కూర్చొని ఆమె ఇచ్చే పండ్లను కీచులాడుతూ తింటాయి.