Russian YouTuber Harassed : రష్యన్​ యూట్యూబర్​కు వేధింపులు.. లైవ్​లో అసభ్యంగా ప్రవర్తించిన యువకుడు

Russian YouTuber Harassed In delhi : ఓ రష్యన్​ మహిళా యూట్యూబర్​కు దిల్లీలో చేదు అనుభవం ఎదురైంది. ప్రత్యక్ష ప్రసారం చేస్తున్న మహిళా యూట్యూబర్​తో అసభ్యంగా ప్రవర్తించాడో యువకుడు. దీనికి సంబంధించి వీడియో సోషల్​ మీడియాలో వైరల్​గా మారింది.

Russian YouTuber Harassed In delhi :ఓ రష్యన్​ మహిళా యూట్యూబర్​తో అనుచితంగా ప్రవర్తించిన ఘటన దేశ రాజధాని దిల్లీలో వెలుగులోకి వచ్చింది. వీడియో ప్రత్యక్ష ప్రసారం చేస్తుండగా.. వెనుక నుంచి వచ్చిన ఓ యువకుడు అసభ్యంగా ప్రవర్తించాడు. లైవ్​ స్ట్రీమింగ్​లో ఆ యువకుడి చర్యలు రికార్డయ్యాయి. ఈ దృశ్యాలు సోషల్ మీడియాలో వైరల్ అయ్యాయి.

ఇదీ జరిగింది..
రష్యాకు చెందిన ఓ మహిళా యూట్యూబర్​కు 'కోకో ఇన్ ఇండియా' అనే పేరుతో యూట్యూబ్​ ఛానల్​ ఉంది. ఈమెకు హిందీ కూడా బాగా తెలుసు. భారత్​లో రకరకాల ప్రదేశాలు తిరుగుతూ వ్లాగ్స్​ చేస్తుంటుంది. అందులో భాగంగా దిల్లీలోని సరోజినీ నగర్​ మార్కెట్​కు వెళ్లింది. అనంతరం మార్కెట్​ ప్రదేశాన్ని చూపిస్తూ లైవ్​ ప్రారంభించింది. ఇంతలో ఆమె వెనుక నుంచి ఓ యువకుడు వచ్చాడు. అనతంరం ఆ మహిళతో మాట్లాడటం మొదలుపెట్టి.. తన వీడియోలను రోజూ చూస్తుంటానని చెప్పాడు. అనంతరం 'నీతో స్నేహం చేయాలనుకుంటున్నా' అని చెప్పాడు. 'నాతో ఎందుకు స్నేహం చేయాలనుకుంటున్నారు' అని ఆ మహిళ అడిగింది. దానికి ఆ యువకుడు.. 'మీరు అందంగా ఉన్నారని.. అని చెప్పాడు. దీనికి.. 'తనకు చాలా మంది ఫ్రెండ్స్​ ఉన్నారు' అని మహిళ బదులిచ్చింది. అనంతంరం యువకుడు యూట్యూబర్​తో అసభ్యంగా ప్రవర్తించాడు. అయితే చివరకు, యువకుడు ఆ మహిళా యూట్యూబర్​కు క్షమాపణ చెప్పాడని సమాచారం.

ఇన్​స్టాలో వీడియో పోస్ట్ చేసిన యూట్యూబర్

ఆకతాయిల అసభ్య ప్రవర్తన..
గతేడాది ముంబయిలోనూ ఇలాంటి ఘటన జరిగింది. దక్షిణ కొరియాకు చెందిన మయోచి అనే మహిళ యూట్యూబర్‌ రాత్రి సమయంలో ముంబయిలోని రద్దీగా ఉన్న ఓ వీధిలో లైవ్‌స్ట్రీమ్‌ చేస్తోంది. ఆ సమయంలో అక్కడ వందల మంది తిరుగుతున్నారు. అప్పుడు ఇద్దరు యువకులు బైక్‌పై అక్కడకు వచ్చి లిఫ్ట్‌ ఇస్తామంటూ ఆమె చెయ్యి పట్టుకొని బలవంతంగా లాగారు. ఆమెకు ఏమి చేయాలో అర్థం కాక 'ఇంటికి వెళ్లాలని' వారిని వారిస్తూ వెళ్లిపోబోయింది. అంతలో ఓ యువకుడు ఆమెని ముద్దుపెట్టుకోబోయాడు. అతడిని వదిలించుకొని మయోచి ముందుకు వెళ్లిపోయింది. అప్పటికీ ఆ యువకులు ఆమెను వదల్లేదు. ఓ స్కూటర్‌పై ఆమె వెనుకే వచ్చి మళ్లీ వాహనం ఎక్కాలంటూ బలవంతం చేశారు. కానీ, ఆమె నిరాకరించింది. ఆ తర్వాత ఏం జరిగిందో తెలుసుకోవాలంటే ఈలింక్​పై క్లిక్ చేయండి.