దేశంలో కరోనా కేసులు విపరీతంగా పెరుగుతున్న ఏడు రాష్ట్రాల నుంచి ప్రజలు ఎవరైనా హిమాచల్ప్రదేశ్ రావాలంటే కచ్చితంగా ఆర్టీ-పీసీఆర్ నెగెటివ్‌ రిపోర్టు కలిగి ఉండడాన్ని ఆ రాష్ట్ర ప్రభుత్వం తప్పనిసరి చేసింది. ఈ మేరకు ముఖ్యమంత్రి జైరామ్‌ ఠాకుర్‌ ఆదివారం విలేకరుల సమావేశంలో మాట్లాడారు. అంతకుముందు ఆయన కరోనా పరిస్థితిపై చర్చించేందుకు ఉన్నత అధికారులతో భేటీ అయ్యారు.
కరోనా నెగెటివ్‌ రిపోర్ట్ ఉంటేనే ఆ రాష్ట్రంలోకి ఎంట్రీ!
దేశంలో కరోనా కోరలు చాస్తోన్న వేళ హిమాచల్ప్రదేశ్ కీలక నిర్ణయం తీసుకుంది. కేసులు పెరుగుతున్న ఏడు రాష్ట్రాల నుంచి ఎవరైనా తమ రాష్ట్రానికి రావాలంటే కచ్చితంగా ఆర్టీ- పీసీఆర్ నెగెటివ్‌ రిపోర్టు తీసుకురావాలని ఆదేశాలు జారీ చేసింది.
ఆర్టీ-పీసీఆర్ నెగెటివ్‌ నివేదిక ఉంటేనే ఆ రాష్ట్రంలోకి ఎంట్రీ
పంజాబ్‌, దిల్లీ, మహారాష్ట్ర, గుజరాత్‌, కర్ణాటక, రాజస్థాన్‌, ఉత్తర్‌ప్రదేశ్‌ల నుంచి వచ్చే ప్రయాణికులు 72 గంటలు మించని ఆర్టీ-పీసీఆర్ నెగెటివ్‌ నివేదికను చూపాల్సి ఉంటుంది తెలిపారు. ఈ నెల 16 నుంచి ఈ నిర్ణయం అమల్లోకి రానున్నట్లు వెల్లడించారు.
ఇదీ చదవండి :కరోనా కట్టడిలో ఆ మూడు రాష్ట్రాల్లో లోపాలివే..!