దట్టమైన పొగమంచు.. చెరువులోకి దూసుకెళ్లిన బస్సు.. 50 మందికిపైగా..

పొగమంచు కారణంగా 80 మంది కూలీలతో వెళ్తున్న బస్సు.. రోడ్డు పక్కన చెరువులోకి దూసుకెళ్లింది. ఈ ఘటనలో 50 మందికిపైగా కూలీలు గాయపడ్డారు.

ఉత్తర్​ప్రదేశ్​లోని సీతాపుర్​ జిల్లాలో ఘోర ప్రమాదం జరిగింది. 80 మంది కూలీలతో వెళ్తున్న బస్సు.. రోడ్డు పక్కన చెరువులోకి దూసుకెళ్లింది. బుధవారం అర్ధరాత్రి తంబోర్ రోడ్డు సమీపంలో జరిగిన ఈ ఘటనలో 50 మందికిపైగా కూలీలు గాయపడ్డారు.

సమాచారం అందుకున్న పోలీసులు.. ఘటనాస్థలికి చేరుకున్నారు. క్షతగాత్రులంతా భిట్నకల గ్రామానికి చెందిన వారుగా పోలీసులు గుర్తించారు. వెంటనే రియూసాలోని కమ్యూనిటీ హెల్త్​ సెంటర్​కు చికిత్స నిమిత్తం తరలించారు. తీవ్రంగా గాయపడిన కూలీలను సీతాపుర్ జిల్లా ఆస్పత్రిలో చేర్పించారు. దట్టమైన పొగమంచు కారణంగానే ఈ ప్రమాదం జరిగినట్లు పోలీసులు తెలిపారు.

• ఇవీ చదవండి: