ఆర్​పీఎఫ్​ బస్సు బోల్తా.. 13మంది జవాన్లకు తీవ్ర గాయాలు

rpf accident in rajasthan: రాజస్థాన్​లోని సవాయ్​ మధోపూర్​ జిల్లాలో రోడ్డు ప్రమాదం జరిగింది. ఆదివారం అర్ధరాత్రి ఆర్​పీఎఫ్​ సిబ్బందితో ప్రయాణిస్తున్న బస్తు బోల్తా పడింది. ఈ ఘటనలో 13 మంది జవాన్లకు గాయలయ్యాయి. ఇందులో ముగ్గురు మహిళా కానిస్టేబుళ్లు ఉన్నారు.

rpf accident in rajasthan: రాజస్థాన్​లోని సవాయ్​ మధోపూర్ జిల్లాలో ఆర్​పీఎఫ్​ సిబ్బందితో వెళ్తున్న బస్సు బోల్తా పడింది. ఆదివారం అర్ధరాత్రి జరిగిన ఈ ప్రమాదంలో 13 మంది జవాన్లు గాయపడ్డారు. జిల్లాలోని చౌత్​ కా బర్వరా ప్రాంతంలోని ఎచర్​ గ్రామ సమీపంలో ఈ ఘటన జరిగింది.

జైపుర్​ నుంచి బయలుదేరిన ఈ బస్సు టోంక్ మీదుగా సురేలి చేరుకోవాల్సి ఉందని అధికారులు తెలిపారు. అయితే, ఎచర్​ గ్రామ సమీపంలో ట్రాక్టర్ ట్రాలీని తప్పించే ప్రయత్నంలో ఈ ప్రమాదం జరిగిందని చెప్పారు.

గాయపడ్డ ఆర్​పీఎఫ్​ సిబ్బంది

సంఘటనా స్థలానికి చేరుకున్న చౌత్​ కా బర్వరా పోలీసులు గాయపడిన ఆర్​పిఎఫ్​ సిబ్బందిని సవాయ్​ మధోపుర్​ జిల్లా ప్రధాన కార్యాలయంలోని జనరల్​ ఆసుపత్రికి తరలించారు. బస్సులో మొత్తం 20 మంది సిబ్బంది ఉండగా.. వారిలో ముగ్గురు మహిళా కానిస్టేబుళ్లు ఉన్నారు. గాయపడిన వారి పరిస్థితి విషమంగా ఉందని అధికారులు తెలిపారు.

ఇదీ చదవండి:సొరంగం కూలిన ఘటనలో ఇద్దరు కూలీలు మృతి