'రైతుల నిరసనలతో.. దిల్లీలో కరోనా తగ్గుముఖం!'

సాగు చట్టాలకు వ్యతిరేకంగా అన్నదాతలు చేపడుతున్న ఆందోళనలతో దిల్లీలో కరోనా వ్యాప్తి తగ్గిందని దిల్లీ ప్రభుత్వ వైద్యశాల నిపుణులు అభిప్రాయపడ్డారు. రైతుల నిరసనలతో సరిహద్దులను మూసివేయడం వల్ల.. కొద్దిరోజులుగా రోజువారి వైరస్​ కేసుల్లో తగ్గుదల నమోదవడమే ఇందుకు నిదర్శమని పేర్కొన్నారు.

దేశ రాజధాని సరిహద్దుల్లో రైతులు చేపడుతున్న ఆందోళనల వల్ల దిల్లీలో కరోనా కేసులు తగ్గుముఖం పట్టాయని ప్రభుత్వ రాజీవ్​ గాంధీ సూపర్​ స్పెషాలిటీ హాస్పిటల్​(ఆర్​జీఎస్​ఎస్​హెచ్​-దిల్లీ) నోడల్​ అధికారి డాక్టర్ అజిత్​ జైన్​ అన్నారు. అన్నదాతల నిరసనలతో సరిహద్దులను దిగ్బంధించడం వల్ల.. దిల్లీ కంటైన్​మెంట్​ జోన్​గా మారేందుకు తోడ్పడిందని చెప్పారు జైన్​. ఫలితంగా వైరస్​ వ్యాప్తికి అడ్డుకట్ట పడిందని ఆయన అభిప్రాయపడ్డారు.

రైతు ఉద్యమంతో కరోనా వాప్తి గొలుసును విచ్ఛిన్నం చేసిందని.. ఫలితంగా కొవిడ్​-19 అదుపులోకి వచ్చిందని పేర్కొన్నారు ఆర్​జీఎస్​ఎస్​హెచ్​ వైద్య నిపుణులు. వైరస్​కు వ్యాక్సిన్​ రాకపోయినా, ప్రజల జీవన విధానంలో ఎలాంటి మార్పులు లేకపోయినా.. దిల్లీలో కొన్ని రోజులుగా రోజువారీ కేసులు, మరణాల సంఖ్య తగ్గడమే ఇందుకు నిదర్శనమని వారు చెప్పుకొచ్చారు.

ఇదీ చదవండి:'దణ్నం పెడతా... రైతులను తప్పుదోవ పట్టించొద్దు'