కొంతమంది తాలిబన్ నేతలతో భారత విదేశాంగ శాఖ మంత్రి ఎస్‌ జైశంకర్ సమావేశమయ్యారంటూ వస్తున్న వార్తలు పూర్తిగా అవాస్తవం, నిరాధారమైనవిగా అధికార వర్గాలు తేల్చి చెప్పాయి. భవిష్యత్తులో భారత్తో తాలిబన్ల సంబంధాలు పాకిస్థాన్ అభిప్రాయాలు, కోరికల మీద ఆధారపడి ఉండవంటూ ఆ సంస్థ నేతలు.. మంత్రికి చెప్పినట్టుగా సామాజిక మాధ్యమాల్లో వదంతులు వ్యాప్తి చెందుతున్న నేపథ్యంలో.. వాటిని నమ్మొద్దంటూ మంగళవారం స్పష్టం చేశాయి.
తాలిబన్ నేతలతో జైశంకర్ భేటీ! - జైశంకర్-తాలిబన్ భేటీ
తాలిబన్ నేతలతో భారత విదేశాంగ శాఖ మంత్రి ఎస్‌ జైశంకర్ సమావేశమయ్యారంటూ వస్తున్న వార్తలపై అధికార వర్గాలు స్పందించాయి. ఆ వార్తలు పూర్తిగా అవాస్తవం, నిరాధారమైనవిగా పేర్కొన్నాయి.
జైశంకర్
"రానున్న సెప్టెంబర్ 11 నాటికి అఫ్గానిస్థాన్ నుంచి తమ బలగాలను వెనక్కి రప్పించాలని అమెరికా భావిస్తోంది. దీంతో అఫ్గాన్‌ శాంతి ప్రక్రియకు సంబంధించిన పరిణామాలు వేగవంతమయ్యాయి. ఈ నేపథ్యంలో భారత్తో తాలిబన్లు జట్టు కట్టడం అఫ్గానిస్థాన్ భవిష్యత్తుకు అన్నివిధాలా ప్రయోజనకరమంటూ ఇటీవల ఓ వెబినార్‌లో ఖతర్‌కు చెందిన సీనియర్‌ దౌత్యవేత్త అభిప్రాయపడ్డారు. దీంతో ఇలాంటి తప్పుడు నివేదికలు వెలువడటానికి అవకాశం ఏర్పడింది" అని అధికారిక వర్గాలు వివరించాయి.
ఇదీ చూడండి:ప్రధాని అధ్యక్షతన కేంద్ర మంత్రుల భేటీ