రాజస్థాన్లో ఉపాధ్యాయుల ఎంపికకు నిర్వహించిన అర్హత పరీక్ష (రీట్)లో (REET 2021) కొందరు అభ్యర్థులు 'ఆధునిక రీతి'లో అక్రమాలకు తెర లేపారు. 'బ్లూటూత్ అమర్చిన చెప్పులు' ధరించి (bluetooth slippers cheating) అవకతవకలకు పాల్పడ్డారు. ఈ మేరకు బీకానేర్‌లో ఐదుగురిని పోలీసులు అరెస్టు చేశారు. ఇందులో ముగ్గురు రీట్ అభ్యర్థులు కాగా మరో ఇద్దరు వారికి అతిచిన్న బ్లూటూత్ అమర్చిన చెప్పులను సమకూర్చారు. రూ.30వేలు విలువ చేసే ఈ చెప్పులను నిందితుడు ఒక్కో అభ్యర్థికి రూ. 6 లక్షలకు విక్రయించినట్లు పోలీసులు తెలిపారు. ఇందులో సిమ్ కార్డ్ కూడా ఉందని పేర్కొన్నారు.
కాపీ కొట్టేందుకు 'బ్లూటూత్ చెప్పు'లతో పరీక్ష హాలుకు! - రీట్ పరీక్ష వార్తలు రాజస్థాన్
రాజస్థాన్లో నిర్వహించిన 'రీట్' పరీక్షలో కొందరు అభ్యర్థులు అక్రమాలకు పాల్పడడ్డారు. బ్లూటూత్ ఉన్న చెప్పులు ధరించి అవకతవకలకు పాల్పడిన ఐదుగురిని పోలీసులు అరెస్టు చేశారు.
చెప్పులో బ్లూటూత్తో పరీక్షల్లో అక్రమాలు..
కాగా రాష్ట్రవ్యాప్తంగా కట్టుదిట్టమైన ఏర్పాట్ల మధ్య ఆదివారం రీట్ (REET 2021) నిర్వహించారు. 16 జిల్లాల్లో మొబైల్‌, ఇంటర్‌నెట్‌ సేవలను కూడా నిలిపివేశారు. రాజస్థాన్ సెకెండరీ ఎడ్యుకేషన్‌ బోర్డ్‌ 3,993 కేంద్రాల ద్వారా నిర్వహించిన ఈ పరీక్షలకు 16.51 లక్షల మంది అభ్యర్థులు దరఖాస్తు చేసుకున్నారు. పకడ్బందీ ఏర్పాట్లు చేసినప్పటికీ కొన్నిచోట్ల అవతవకలు చోటు చేసుకున్నాయి. దౌసా, జైపుర్‌ రూరల్‌ ప్రాంతాల్లో 8 మంది 'డమ్మీ' అభ్యర్థులను పోలీసులు అరెస్టు చేశారు. బీకానేర్‌, అజ్మేర్‌, ప్రతాప్‌గఢ్‌, సికార్‌లలో మోసాలకు పాల్పడుతున్న ఓ ముఠా గుట్టును రట్టు చేశారు. మరికొన్నిచోట్ల కూడా ఇలాంటి ఉదంతాల్లో ఏడుగురిని అరెస్టు చేశారు.
ఇదీ చూడండి :డబుల్ డిగ్రీ చేసి.. వీధుల్లో 'చెత్త ఆటో' నడుపుతూ...