'మహమ్మారిని జయించిన 2 కోట్ల మంది'

దేశంలో కరోనా నుంచి కోలుకున్న వారి సంఖ్య 2 కోట్లు దాటింది. గత నాలుగు రోజుల్లో మూడుసార్లు కొత్తగా నమోదైన కేసుల సంఖ్య కన్నా రికవరీలే ఎక్కువగా నమోదైనట్లు కేంద్ర ఆరోగ్య శాఖ వెల్లడించింది. దేశంలో టీకా తీసుకున్న వారి సంఖ్య 18 కోట్లకు చేరువైనట్లు తెలిపింది.

దేశంలో కొవిడ్ వ్యాప్తి తీవ్రంగా ఉన్నప్పటికీ.. రికవరీల సంఖ్య క్రమంగా పెరుగుతోంది. శుక్రవారం 3.44 లక్షల మంది కొవిడ్​ నుంచి కోలుకున్నారు. దీంతో వైరస్​ను జయించినవారి సంఖ్య 2 కోట్లు దాటింది. గత నాలుగు రోజుల్లో కొత్తగా నమోదైన కేసుల కన్నా రికవరీలు ఎక్కువగా ఉండటం ఇది మూడోసారి.

• మొత్తం రికవరీల్లో 71.16 శాతం మంది 10 రాష్ట్రాల నుంచే ఉన్నట్లు కేంద్ర వైద్యారోగ్య శాఖ వెల్లడించింది.
• మహారాష్ట్రలో కొత్తగా 42,582 మందికి వైరస్ సోకింది. కేరళలో 39,955 మంది, కర్ణాటకలో 35,297 మంది కొవిడ్ బారిన పడ్డారు.
• పది రాష్ట్రాల్లో మరణాలు రేటు 72.70 శాతంగా ఉంది. అధికంగా మహారాష్ట్రలో 850 మంది, కర్ణాటకలో 344 మంది వైరస్​కు బలయ్యారు.
• దేశవ్యాప్తంగా టీకా డోసు తీసుకున్న వారి సంఖ్య 18 కోట్లకు చేరువలో ఉందని ఆరోగ్య శాఖ తెలిపింది. ప్రస్తుతం 17.92 కోట్ల మంది టీకా తీసుకున్నట్లు స్పష్టం చేసింది.

టీకా తీసుకున్నవారి వివరాలు…

వైద్య సిబ్బంది

తొలి డోసు :96,18,127

రెండో డోసు :66,04,549

పారిశుద్ధ్య కార్మికులు

తొలి డోసు: 1,43,22,390

రెండో డోసు: 81,16,153

• 39,26,334 మంది 18-45 ఏళ్ల మధ్య వయస్కులు కొవిడ్ టీకా తొలిడోసు తీసుకున్నారు.
• 45-60 మధ్య వయసువారు.. 5,66,09,783 మంది తొలి డోసు, 85,39,763 మంది రెండో డోసు తీసుకున్నారు.

ఇదీ చదవండి:తీవ్ర విషాదంలో పన్నీర్​సెల్వం కుటుంబం