RBI Recruitment 2023 : ఇంజినీరింగ్ చేసిన వారికి గుడ్ న్యూస్. రిజర్వు బ్యాంక్ ఆఫ్ ఇండియా- ఆర్బీఐ 35 జూనియర్ ఇంజినీర్ (సివిల్/ ఎలక్ట్రికల్) పోస్టుల భర్తీ కోసం నోటిఫికేషన్ విడుదల చేసింది. ఎంపికైన అభ్యర్థులకు రూ.71,032 వరకు నెలవారీ వేతనం ఉంటుంది. బేసిక్ పే మాత్రం రూ.33,900 నుంచి మొదలవుతుంది. ఇతర అలవెన్సులు కూడా అందుతాయి.
వయోపరిమితి?
20 నుంచి 30 ఏళ్ల మధ్య వయస్సున్న అభ్యర్థులు మాత్రమే ఈ పోస్టులకు అర్హులు. సంబంధిత కేటగిరీల వారికి రిజర్వేషన్లు వర్తిస్తాయి.
విద్యార్హతలు ఏమిటి?
జూనియర్ ఇంజినీర్ (సివిల్) :
- ప్రభుత్వం గుర్తించిన విశ్వవిద్యాలయం నుంచి కనీసం 3 ఏళ్లు వ్యవధి గల సివిల్ ఇంజినీరింగ్ డిప్లొమా చేసి ఉండాలి. ఎస్సీ, ఎస్టీ, పీడబ్ల్యూబీడీ అభ్యర్థులు కనీసం 55 శాతం మార్కులతో, మిగతా కేటగిరీలవారు కనీసం 65 శాతం మార్కులతో ఉత్తీర్ణత సాధించి ఉండాలి.లేదా
- ప్రభుత్వం గుర్తించిన యూనివర్సిటీ నుంచి సివిల్ ఇంజినీరింగ్ డిగ్రీ పొంది ఉండాలి. ఎస్సీ, ఎస్టీ, పీడబ్ల్యూబీడీ (దివ్యాంగ) అభ్యర్థులు కనీసం 45 శాతం మార్కులతో, మిగతా కేటగిరీల అభ్యర్థులు కనీసం 55 శాతం మార్కులతో ఉత్తీర్ణులు అయ్యుండాలి.
- అనుభవం: డిప్లొమా చేసిన అభ్యర్థులకు కనీసం రెండు సంవత్సరాల ఎక్స్పీరియన్స్, డిగ్రీ చేసిన వారికి కనీసం ఒక సంవత్సరం పూర్వానుభవం ఉండాలి.
జూనియర్ ఇంజినీర్ (ఎలక్ట్రికల్) :
- ప్రభుత్వం గుర్తించిన విశ్వవిద్యాలయం నుంచి కనీసం 3 ఏళ్లు వ్యవధి ఎలక్ట్రికల్ లేదా ఎలక్ట్రికల్ అండ్ ఎలక్ట్రానిక్ ఇంజినీరింగ్ డిప్లొమా చేసి ఉండాలి. ఎస్సీ, ఎస్టీ, పీడబ్ల్యూబీడీ (దివ్యాంగ) అభ్యర్థులు కనీసం 55 శాతం మార్కులతో, మిగతా కేటగిరీలవారు కనీసం 65 శాతం మార్కులతో ఉత్తీర్ణత సాధించి ఉండాలి. లేదా
- ప్రభుత్వం గుర్తించిన యూనివర్సిటీ నుంచి ఎలక్ట్రికల్ లేదా ఎలక్ట్రికల్ అండ్ ఎలక్ట్రానిక్ ఇంజినీరింగ్ డిగ్రీ పొంది ఉండాలి. ఎస్సీ, ఎస్టీ, పీడబ్ల్యూబీడీ (దివ్యాంగ) అభ్యర్థులు కనీసం 45 శాతం మార్కులతో, మిగతా కేటగిరీల అభ్యర్థులు కనీసం 55 శాతం మార్కులతో ఉత్తీర్ణులు అయ్యుండాలి.
- అనుభవం: డిప్లొమా చేసిన అభ్యర్థులకు కనీసం రెండు సంవత్సరాల ఎక్స్పీరియన్స్, డిగ్రీ చేసిన వారికి కనీసం ఒక సంవత్సరం పూర్వానుభవం ఉండాలి.
ఎంపిక ప్రక్రియ ఎలా ఉంటుంది?
అభ్యర్థులకు ముందుగా ఆన్లైన్ పరీక్ష నిర్వహిస్తారు. ఇది 300 మార్కులకు ఉంటుంది. దీనిలో ఉత్తీర్ణత సాధించినవారికి లాంగ్వేజ్ ప్రొఫీషియన్సీ టెస్ట్ (LPT) నిర్వహిస్తారు. ఆన్లైన్ పరీక్ష జులై 15న నిర్వహించనున్నారు.
దరఖాస్తు చేయడం ఎలా?
ఆసక్తి ఉన్న అభ్యర్థులు ఆన్లైన్లోనే దరఖాస్తు చేసుకోవాల్సి ఉంటుంది. ఇప్పటికే ఈ జూనియర్ ఇంజినీర్ పోస్టుల దరఖాస్తు ప్రక్రియ ప్రారంభమైంది. దరఖాస్తుకు ఆఖరు తేదీ 2023 జూన్ 30.
ఇవీ చదవండి :
