Rape Case in Maharastra: ఓ మహిళపై అత్యాచారానికి పాల్పడి, బ్లాక్‌మెయిల్తో ఆమె నుంచి కోటి రూపాయలకు పైగా వసూలు చేసినందుకు దంపతులను పోలీసులు అరెస్టు చేశారు.
'మహారాష్ట్ర నాగ్పరా పోలీసు స్టేషన్లో నిందితులపై బాధిత మహిళ ఫిర్యాదు చేసింది. బాధితురాలిపై ఓ వ్యక్తి అత్యాచారం చేయగా అతడి భార్య వీడియో తీసింది. 2015లోనే ఈ ఘటన జరిగింది. ఈ వీడియోను బయటపెడతామని బెదిరిస్తూ బాధిత మహిళ నుంచి రూ.కోటిపైనే వసూలు చేశారు.'అని పోలీసులు తెలిపారు.
బాధితురాలు కేసు నమోదు చేయగానే నిందితులు ముంబయి నుంచి పారిపోయారు. ఇరువురూ బంగాల్ వెళ్లినట్లు పసిగట్టిన పోలీసులు.. కోల్కతా పోలీసుల సహకారంతో అరెస్టు చేశారు.
రన్నింగ్ ట్రైన్లో లైంగిక దాడి..
Woman Molested In Running Train: బంగాల్ దక్షిణ పరగణాల జిల్లాలో దారుణం జరిగింది. లోకల్ ట్రైన్లో ఒంటరిగా ప్రయాణిస్తున్న ఓ మహిళపై ఓ వ్యక్తి లైంగిక వేధింపులకు పాల్పడ్డాడు.
'సాయంత్రం ఆరుగంటల సమయంలో శాంతిపుర్- సీల్దా రైలు ఎక్కింది మహిళ. ఆమె టాటూ ఆర్టిస్ట్గా పనిచేస్తుంటారు. రైలు డుండుం స్టేషన్ రాగానే మహిళల కంపార్ట్మెంట్లో ఎవరూ లేరు. ఆ సమయంలో ఓ వ్యక్తి రైలు ఎక్కాడు. బాధితురాలిపై అసభ్యంగా ప్రవర్తించాడు. డబ్బులు డిమాండ్ చేశాడు. ఈ క్రమంలోనే బాధిత మహిళ ఫేస్బుక్ లైవ్ను ఆన్ చేసింది. ఈ వీడియో, సీసీటీవీ ఆధారంగా నిందితున్ని అరెస్టు చేశాం' అని పోలీసులు తెలిపారు.
యావజ్జీవ కారాగార శిక్ష..
Rape Case In Odisha: పదేళ్ల బాలికను కిడ్నాప్ చేసి అత్యాచారానికి పాల్పడిన కేసులో ఓ జంటకు కఠిన శిక్షను ఖరారు చేసింది న్యాయస్థానం. భర్తకు యావజ్జీవం.. భార్యకు 20 ఏళ్ల జైలు శిక్షను విధించింది.
ఒడిశా కటక్లో అమిత్ బిందాని(45) అనే వ్యక్తి 2019లో మురికివాడల్లో ఉండే ఓ బాలికను అతని భార్య సహకారంతో అపహరించాడు. అనంతరం ఆ బాలికను జంషెడ్పుర్కు తీసుకువెళ్లారు. బాలికపై అమిత్ పలుమార్లు అత్యాచారానికి పాల్పడ్డాడు. ఈ కేసును విచారించిన కోర్టు శిక్షను ఖరారు చేసింది. బాధితురాలికి రూ.5లక్షల పరిహారం ఇవ్వాల్సిందిగా ఆదేశించింది.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చదవండి:వృద్ధ యాచకులపై కానిస్టేబుల్ దాడి- వీడియో వైరల్!
