పార్లమెంటులో వ్యవసాయ పరిశోధనాలయాన్ని ప్రారంభించాలని డిమాండ్ చేశారు భారతీయ కిసాన్ యూనియన్ నేత రాకేశ్ టికాయిత్. అప్పుడే వ్యవసాయంలో లాభనష్టాలు తెలుస్తాయని అన్నారు. బుధవారం జరిగిన ఓ సమావేశంలో ఆయన మాట్లాడారు.
"స్వామినాథన్‌ కమిటీ నివేదికను ప్రభుత్వం పట్టించుకోవడంలేదు. మేం కనీస మద్దతు ధర ఎక్కువ అడుగుతున్నామని వారు భావిస్తున్నారు. అందుకే పార్లమెంటు ఆవరణలోనే ఒక వ్యవసాయ పరిశోధనాలయాన్ని నెలకొల్పండి. పంటలపై పరిశోధనలు చేయండి. అప్పుడైనా మీకు వాటిలో లాభనష్టాలు గురించి తెలుస్తాయి."
- రాకేశ్ టికాయిత్, బీకేయూ నేత