Rajnath singh statement Bipin rawat: త్రిదళపతి బిపిన్ రావత్ సహా 13 మంది మరణించిన హెలికాప్టర్ ప్రమాదంపై రక్షణ మంత్రి రాజ్నాథ్ సింగ్ పార్లమెంటు ఉభయసభల్లో కీలక ప్రకటన చేశారు. ఘటనపై త్రివిధ దళాల దర్యాప్తునకు వాయుసేన ఆదేశించినట్లు తొలుత లోక్సభలో వెల్లడించారు. ఎయిర్ మార్షల్ మానవేంద్ర సింగ్ నేతృత్వంలో దర్యాప్తు జరుగుతోందని చెప్పారు. విచారణ బృందం గురువారమే వెల్లింగ్టన్కు చేరుకుందని స్పష్టం చేశారు. దర్యాప్తు సైతం ప్రారంభమైందని వివరించారు.
"బుధవారం ఉదయం 11.48 గంటలకు సూలూరు ఎయిర్‌బేస్‌ నుంచి ఎంఐ 17 వీ 5 హెలికాప్టర్‌లో రావత్, ఆయన సతీమణి మధులిక రావత్, ఇతర ఆర్మీ ఉన్నతాధికారులు వెల్లింగ్టన్ బయల్దేరారు. మధ్యాహ్నం 12.15 గంటలకు వీరు ల్యాండ్‌ అవ్వాల్సి ఉండగా.. 12.08 గంటల ప్రాంతంలో హెలికాప్టర్ రాడార్‌ నుంచి ఎయిర్ ట్రాఫిక్‌ కంట్రోల్‌కు సంకేతాలు నిలిచిపోయాయి. భారీ శబ్దం రావడం వల్ల స్థానికులు అక్కడికి వెళ్లారు. స్థానికులు వెళ్లేసరికి హెలికాప్టర్ మంటల్లో ఉంది. రావత్, హెలికాప్టర్ ప్రయాణికులను రక్షించేందుకు చేసిన ప్రయత్నాలు ఫలించలేదు. హెలికాప్టర్ ప్రమాదంలో 13 మంది మరణించారు. సీడీఎస్ బిపిన్ రావత్‌తో పాటు ఆయన భార్య మృతిచెందడం బాధాకరం. ఈ ఘటనపై దర్యాప్తు చేపట్టాం."
-రాజ్నాథ్ సింగ్, రక్షణమంత్రి
లైఫ్ సపోర్ట్‌పై గ్రూప్ కెప్టెన్‌..