కట్టెల కోసం వెళ్లిన బాలికపై 16 మంది అత్యాచారం

Rajasthan Girl Gang Rape: 13 ఏళ్ల బాలికపై 16 మంది అత్యాచారానికి పాల్పడ్డ దారుణమైన ఘటన రాజస్థాన్​లో జరిగింది. నిందితులపై పోలీసులు ఎఫ్ఐఆర్ నమోదు చేశారు.

Rajasthan Girl Gang Rape: రాజస్థాన్​లోని భరత్​పుర్​లోని కోహ పోలీస్​ స్టేషన్ పరిధిలో అమానవీయ ఘటన జరిగింది. 13 ఏళ్ల బాలికపై 16 మంది అత్యాచారానికి పాల్పడ్డారు. ఈ మేరకు నిందితులపై పోలీసులు ఎఫ్​ఐఆర్ నమోదు చేశారు. పోలీసులు విచారణ ప్రారంభించాక నలుగురు నిందితులు లొంగిపోయారు.

పోలీసుల కథనం ప్రకారం.. ఫిబ్రవరి 11న బాలిక కట్టెల కోసం అటవీ ప్రాంతంలోకి వెళ్లగా కొందరు గుర్తుతెలియని వ్యక్తులు ఆమెను స్థానికంగా ఉన్న పొలంలోకి తీసుకెళ్లి అత్యాచారం చేశారు. తర్వాత అక్కడి నుంచి పరారయ్యారు.

ఈ ఘటనపై ఫిబ్రవరి 13న బాలిక తల్లిదండ్రులు పోలీస్​స్టేషన్​లో ఫిర్యాదు చేశారు. ఈ మేరకు నిందితులపై కేసు నమోదు చేశారు. ఘటనాస్థలాన్ని పరిశీలించి.. దర్యాప్తు చేపట్టారు.

ఇదీ చూడండి:రేపిస్ట్​ను 4 నిమిషాల్లోనే పట్టించిన కానిస్టేబుల్- సీఎం ప్రశంసలు