rajasthan cabinet reshuffle: గహ్లోత్​ కేబినెట్​లో కీలక మార్పులు!

రాజస్థాన్​లో 15 మంది మంత్రులుగా ప్రమాణస్వీకారం చేశారు(rajasthan cabinet reshuffle). గవర్నర్​ కల్​రాజ్​ మిశ్రా వీరి చేత ప్రమాణం చేయించారు. దీంతో సీఎం గహ్లోత్​ కేబినెట్​లో మంత్రుల సంఖ్య 30కి చేరింది.

రాజస్థాన్​ కేబినెట్​ పునర్​వ్యవస్థీకరణలో భాగంగా.. 15మంది ఎమ్మెల్యేలు ఆదివారం మంత్రులుగా ప్రమాణస్వీకారం చేశారు(rajasthan cabinet reshuffle). జైపుర్​లోని రాజ్​భవన్​లో గవర్నర్ కల్​రాజ్​ మిశ్రా..​ వారి చేత ప్రమాణ స్వీకారం చేయించారు. వీరిలో 11మంది కేబినెట్ మంత్రులు కాగా.. నలుగురు సహాయ మంత్రులు.

కొత్త మంత్రివర్గంలో ఎస్సీ వర్గం నుంచి నలుగురికీ, ఎస్టీ సామాజిక వర్గం నుంచి ముగ్గురికి అవకాశం దక్కింది(rajasthan cabinet news).

రాజ్​భవన్​లో ప్రమాణస్వీకార వేడుక

శనివారం.. సీఎం అశోక్​ గహ్లోత్​ కేబినెట్​ మొత్తం రాజీనామా చేసింది. కాగా.. వారిలో ముగ్గురిని మాత్రమే పక్కనపెట్టి, మిగిలిన మంత్రులు ఆదివారం తిరిగి ప్రమాణం చేశారు. మొత్తం మీద గహ్లోత్​ కేబినెట్​లో మంత్రుల సంఖ్య 30కి చేరింది.

సచిన్​ వర్గం..

నూతన మంత్రివర్గంలో సచిన్ పైలట్ వర్గానికి చెందిన ఐదుగురు ఏమ్మెల్యేలు హేమరామ్ చౌదరి, మురారీలాల్ మీనా, జహిదా ఖాన్​, రాజేంద్ర సింగ్​, బ్రిజేంద్ర ఓలాకు అశోక్ గహ్లోత్​ కేబినేట్​లో చోటు కల్పించారు.

అంతకుముందు.. జైపుర్​లోని పార్టీ ఆఫీసులో కాంగ్రెస్​ నేతలు సమావేశమయ్యారు(rajasthan congress). సీఎం అశోక్​ గహ్లోత్​, రాష్ట్ర ఇన్​ఛార్జ్​ అజయ్​ మాకెన్​ భేటీలో పాల్గొన్నారు. మంత్రులుగా ప్రమాణ స్వీకారం చేసే ఎమ్మెల్యేలను రాజస్థాన్ కాంగ్రెస్ చీఫ్ గోవింద్ సింగ్​ దోతస్రా సన్మానించారు.

ఇదీ చూడండి:-'అవును.. లంచం ఇచ్చాం'.. సీఎం ముందే ఒప్పుకున్న ఉద్యోగులు!