Rajasthan Accident News :రాజస్థాన్లోని హనుమాన్గఢ్ జిల్లాలో జరిగిన ఘోర రోడ్డు ప్రమాదంలో ఒకే కుటుంబానికి చెందిన ఏడుగురు మృతి చెందారు. మరో ఇద్దరు చిన్నారులు తీవ్రంగా గాయపడ్డారు. ఓవర్టేక్ చేయబోయి ఓ కారును లారీ ఢీకొట్టడం వల్ల ఈ ప్రమాదం జరిగింది.
పోలీసులు తెలిపిన వివరాల ప్రకారం.. జిల్లాలోని నౌరంగ్‌దేశర్‌లో శనివారం రాత్రి ఈ ఘటన జరిగింది. ఓవర్టేక్ చేసే ప్రయత్నంలో లారీ.. బలంగా కారును ఢీకొట్టింది. దీంతో కారు నుజ్జునుజ్జయింది. కారులో ఉన్న ఏడుగురు ఏడుగురు మరణించారు. తీవ్రంగా గాయపడ్డ ఇద్దరు చిన్నారులను ఆస్పత్రికి తరలించారు పోలీసులు. ప్రమాదం అనంతరం లారీ డ్రైవర్ పరారయ్యాడు. కేసు నమోదు చేసుకున్న పోలీసులు.. దర్యాప్తు ప్రారంభించారు. డ్రైవర్ కోసం గాలింపు చర్యలు చేపట్టారు. వీరంతా ఓ ఫంక్షన్కు వెళ్లి తిరిగి వస్తుండగా ఈ ఘటన జరిగింది.
ఎంపీ హనుమాన్ బేనివాల్ సంతాపం
ఈ ఘటనపై ఎంపీ హనుమాన్ బేనివాల్ విచారం వ్యక్తం చేశారు. మృతుల ఆత్మకు శాంతి చేకూరాలని, గాయపడిన వారు త్వరగా కోలుకోవాలని సోషల్ మీడియా వేదికగా భగవంతుడిని ప్రార్థించారు.
ఆరుగురు కూలీలు మృతి..
బంగాల్లోని ఖరగ్పుర్ సమీపంలో శనివారం ఉదయం జరిగిన ఘోర ప్రమాదంలో ఆరుగురు కూలీలు మరణించారు. మరో నలుగురు తీవ్రంగా గాయపడ్డారు. పికప్ వ్యాన్లో పువ్వులు లోడ్ చేస్తుండగా సిమెంట్ లారీ ఢీకొట్టడం వల్ల ఈ ఘటన జరిగింది. కేసు నమోదు చేసుకున్న పోలీసులు దర్యాప్తు ప్రారంభించారు.