రైల్వేలో 7వేల అప్రెంటిస్​ పోస్ట్​లకు నోటిఫికేషన్ రిలీజ్​.. ఇంటర్ 50 శాతం మార్కులొస్తే చాలు!

రైల్వేలో ఉద్యోగం కోరుకుంటున్న నిరుద్యోగ యువతీయువకులకు గుడ్‌న్యూస్‌. వివిధ రైల్వే జోన్లలో 2023-24కు గాను అప్రెంటిస్‌ పోస్టుల భర్తీకి దరఖాస్తులు ఆహ్వానిస్తుంది. ఎన్ని పోస్టులు ఉన్నాయి? ఎలా దరఖాస్తు చేసుకోవాలి? దరఖాస్తు చేయడానికి చివరి తేదీ ఎప్పుడు? వంటి పూర్తి వివరాలు మీకోసం..

రైల్వేలో ఉద్యోగం సాధించాలనే కోరిక ఉన్న వారికి రైల్వేశాఖ శుభవార్త అందించింది. వివిధ రైల్వే జోన్లలో 2023-24కు గాను అప్రెంటిస్‌ పోస్టుల భర్తీకి దరఖాస్తులు ఆహ్వానిస్తుంది. ఆసక్తి, అర్హత కలిగినవారు ఆన్‌లైన్‌లో దరఖాస్తు చేసుకోవచ్చు. మొత్తం 7914 అప్రెంటిస్‌ పోస్టులకు నియామక ప్రక్రియ ప్రారంభమైంది. ఈ ఖాళీలు సౌత్‌ సెంట్రల్‌ రైల్వే (SCR), సౌత్‌ సెంట్రల్‌ రైల్వే (SER), నార్త్‌ వెస్ట్రన్‌ రైల్వే (NWR)లో ఉన్నాయి.

• మొత్తం పోస్టులు: 7914
• ఎస్‌సీఆర్‌- 4103
• ఎస్‌ఈఆర్‌- 2026
• ఎన్‌డబ్లూఈఆర్‌- 1785

అర్హతలు: 50 శాతం మార్కులతో 10+2 పాసై, ఐటీఐలో సంబంధిత ట్రేడ్‌ చేసి ఉండాలి. అభ్యర్థులు 18 నుంచి 24 ఏళ్ల వయస్సులై ఉండాలి.
ఎంపిక ప్రక్రియ: మార్కుల ఆధారంగా
అప్లికేషన్‌ ఫీజు: రూ.100

దరఖాస్తులకు చివరితేదీ..

• ఎస్‌సీఆర్‌- జనవరి 29
• ఎస్‌ఈఆర్‌- ఫిబ్రవరి 2
• ఎన్‌డబ్ల్యూఆర్‌- ఫిబ్రవరి 10
• అర్హులైన ఆసక్తిగల అభ్యర్థులు సంబంధిత జోన్‌ల వెబ్‌సైట్‌ను సందర్శించి ఆన్‌లైన్‌లో దరఖాస్తు చేసుకోవచ్చు.

• ఇవీ చదవండి: