Railway Jobs 2023 : ఐటీఐ చేసి ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులు అందరికీ గుడ్ న్యూస్. రైల్వే రిక్రూట్మెంట్ సెల్ (RRC).. కోల్కతాలోని ఈస్ట్రన్ రైల్వే పరిధిలోని వర్క్షాప్లు, డివిజన్లలో ఉన్న 3,115 అప్రెంటీస్ పోస్టుల భర్తీ కోసం భారీ నోటిఫికేషన్ విడుదల చేసింది. ఆసక్తి గల అభ్యర్థులు ఆన్లైన్లో దరఖాస్తు చేసుకోవాల్సి ఉంటుంది. ( RRC Apprentice Recruitment 2023 )
ఐటీఐ ట్రేడ్స్
మెకానిక్, ఫిట్టర్, వెల్డర్, మెషినిస్ట్, కార్పెంటర్, పెయింటర్, లైన్మ్యాన్, వైర్మ్యాన్, ఎలక్ట్రీషియన్, ఎంఎంటీఎం, సివిల్ ఇంజినీర్, టర్నర్, రిఫ్రిజిరేటర్ అండ్ ఏసీ మెకానిక్, ఎలక్ట్రానిక్స్ మెకానిక్
విద్యార్హతలు
అభ్యర్థులు ప్రభుత్వ గుర్తింపు పొందిన విద్యాసంస్థల్లో 10వ తరగతి ఉత్తీర్ణత సాధించి ఉండాలి. అలాగే ఆయా పోస్టులకు అనుగుణంగా సంబంధిత ట్రేడ్ విభాగంలో కనీసం 50 శాతం మార్కులతో ఐటీఐ క్వాలిఫై అయ్యుండాలి.
వయోపరిమితి
అభ్యర్థుల వయస్సు 15 ఏళ్ల నుంచి 24 ఏళ్ల మధ్యలో ఉండాలి.
దరఖాస్తు రుసుము
అభ్యర్థులు అప్లికేషన్ ఫీజుగా రూ.100 చెల్లించాల్సి ఉంటుంది.
ఎంపిక విధానం
అభ్యర్థులను.. మెట్రిక్యులేషన్, ఐటీఐ మార్కుల్లో వచ్చిన మెరిట్ ఆధారంగా ఎంపిక చేస్తారు. ఇందుకోసం ముందుగా డాక్యుమెంట్స్ వెరిఫికేషన్ చేస్తారు. తరువాత మెడికల్ ఎగ్జామినేషన్ చేసి.. అందులోనూ క్వాలిఫై అయిన అభ్యర్థులను ఆయా పోస్టులకు ఎంపిక చేస్తారు. ( RRC ER Apprentice Recruitment 2023 )
దరఖాస్తు విధానం
- అభ్యర్థులు ముందుగా ఆర్ఆర్సీ అధికారిక వెబ్సైట్ http://rrcer.com/ ను ఓపెన్ చేయాలి.
- ఈస్ట్రన్ రైల్వే అప్రెంటీస్ రిక్రూట్మెంట్ లింక్పై క్లిక్ చేయాలి.
- దరఖాస్తు ఫారంలో మీ వ్యక్తిగత, విద్యార్హతల వివరాలు నమోదు చేయాలి. తరువాత..
- మీ ట్రేడ్ విభాగాన్ని, దివ్యాంగులు అయితే వారి డిజేబిలిటీని కన్ఫార్మ్ చేయాలి.
- మీ ఈ-మెయిల్ ఐడీ, ఫోన్ నంబర్ నమోదు చేయాలి.
- మీరు ఏ యూనిట్లో పనిచేయాలని అనుకుంటున్నారో.. దానిని సెలెక్ట్ చేసుకోవాలి.
- స్కాన్ చేసిన మీ ఫొటో, సిగ్నేచర్ సహా, మీ విద్యార్హత సర్టిఫికేట్లు అప్లోడ్ చేయాలి.
- అప్లికేషన్ ఫీజు అన్లైన్లోనే చెల్లించాలి.
- దరఖాస్తులోని వివరాలు అన్నీ మరోసారి సరిచూసుకొని, సబ్మిట్ చేయాలి.
- భవిష్యత్ రిఫరెన్స్ కోసం అప్లికేషన్ ప్రింట్అవుట్ను భద్రపరుచుకోవాలి.
ముఖ్యమైన తేదీలు
- ఆన్లైన్ దరఖాస్తుల స్వీకరణ ప్రారంభ తేదీ : 2023 సెప్టెంబర్ 27
- ఆన్లైన్ దరఖాస్తుకు ఆఖరు తేదీ : 2023 అక్టోబర్ 26
