Rail Engine Sold Bihar: రైల్వే శాఖలో ఇంజినీర్గా పనిచేసే ఓ వ్యక్తి.. ఏకంగా రైలు ఇంజిన్పైనే కన్నేశాడు. అతని కుటిల బుద్ధికి.. ఓ ఇన్స్పెక్టర్, హెల్పర్ తోడయ్యారు. ఇంకేముంది గుట్టుచప్పుడు కాకుండా రైలు ఇంజిన్ను పాతసామాన్లు కొనే ఓ మాఫియాకు అమ్మేశారు.
రైలు ఇంజిన్ నిలిపిఉన్న ప్రాంతం ఏమైందంటే..?
బిహార్, పుర్ణియా కోర్ట్ రైల్వే స్టేషన్ పరిధిలో ఉన్న సమస్తిపుర్ లోకో డీజిల్ షెడ్లో రాజీవ్ రంజన్ ఝా ఇంజినీర్గా పనిచేస్తున్నాడు. పుర్ణియా స్టేషన్లో చిన్నరైల్వే ట్రాక్పై తిరిగే ఓ పాత రైలు ఇంజిన్ ఉంది. నకిలీ ధ్రువపత్రాలను సృష్టించి.. అవి జిల్లా పైఅధికారుల నుంచి వచ్చినట్లుగా నమ్మించాడు.
పూర్ణియా కోర్ట్ రైల్వే స్టేషన్ రైలు ఇంజిన్కు సంబంధించిన పరికరాలు పూర్ణియా కోర్ట్ రైల్వే స్టేషన్ ట్రాక్ పాత సామాను కొనుగోలు చేసే ఓ మాఫియాకు ఈ ఇంజిన్ను అమ్మేశాడు. ఈ వ్యవహారంలో రాజీవ్కు స్థానికంగా పనిచేసే ఓ పోలీస్ ఇన్స్పెక్టర్ వీరేంద్ర ద్వివేది , ఓ హెల్పర్ సహకరించారు.
ఇంజిన్ను ఎలా తరలించారంటే..?
అంతకుముందే.. నకిలీ ధ్రువపత్రాలను సృష్టించిన రాజీవ్.. డిసెంబరు 14న హెల్పర్ సాయంతో గ్యాస్ కట్టర్తో రైలు ఇంజిన్ను ముక్కలుగా చేస్తూ కనిపించారు. అక్కడున్న కొంతమంది అధికారులు దాన్ని అడ్డుకోగా నకిలీ ధ్రువపత్రాలను చూపించాడు రాజీవ్. ఇంజిన్ పాతదైపోయిందని, విడిభాగాలుగా చేసి డీజిల్ షెడ్కు తరలించాల్సిందిగా ఉన్నతాధికారులు అదేశించారని వారిని నమ్మించాడు.
అయితే అదే స్టేషన్లో పనిచేసే కొంతమంది ఉద్యోగులు, స్టేషన్ మాస్టర్కు ఈ విషయంపై అనుమానం వచ్చి డీజిల్ షెడ్కు వెళ్లి చూడగా అక్కడ ఇంజిన్ పరికరాలు లేవు. ఇదే విషయంపై ఉన్నతాధికారులకు సమాచారం అందించారు. తమ నుంచి ఎలాంటి ఆదేశాలు రాలేదని వారు చెప్పారు. దీంతో స్టేషన్ మాస్టర్, ఉద్యోగులు కలిసి ఆర్పీఎఫ్ పోలీసులకు ఫిర్యాదు చేశారు. రంగంలోకి దిగిన రైల్వే పోలీసులు.. తమదైన శైలిలో విచారణ చేపట్టగా నిజం వెలుగులోకి వచ్చింది.
దీంతో పుర్ణియా స్టేషన్ డీఆర్ఎం అలోక్ అగర్వాల్ ఆదేశాల మేరకు రాజీవ్, వీరేంద్రతోపాటు వీరికి సహకరించిన హెల్పర్ను సస్పెండ్ చేశారు. ప్రస్తుతం ఈ కేసును దర్యాప్తు చేస్తున్నట్లు పోలీసులు తెలిపారు.
ఇదీ చూడండి:వానరం ప్రేమ.. కుక్కపిల్లను ఎత్తుకుని తిరుగుతూ...
