కేంద్ర ప్రభుత్వ విధానాలపై కాంగ్రెస్ అగ్రనేత రాహుల్ గాంధీ గురువారం మరోసారి విమర్శలు గుప్పించారు. వ్యాక్సిన్ల కొరత, వాస్తవాధీన రేఖ వద్ద ఉద్రిక్తత, ధరల పెరుగుదల, రైతుల ఆందోళన వంటి వాటికి కారణమెవరో దేశ ప్రజలకు తెలుసునని ట్విట్టర్ వేదికగా వ్యాఖ్యానించారు.
"దశాబ్దాల తరబడి నిర్మిస్తూ వచ్చినదాన్ని కొన్ని క్షణాల్లో నాశనం చేశారు. టీకాల కొరత, వాస్తవాధీన రేఖ వద్ద ఉద్రిక్తత, నిరుద్యోగం, ధరల పెరుగుదల, ప్రభుత్వ రంగ సంస్థలు, రైతుల నిరసన వంటి క్లిష్ట పరిస్థితులను ఎవరు తీసుకువచ్చారో దేశ ప్రజలకు తెలుసు."
-రాహుల్ గాంధీ, కాంగ్రెస్ నేత