'భారత్ కరోనా మరణాల్లో టాప్​.. జీడీపీలో ఫ్లాప్​​'

కరోనా మరణాలను కట్టడి చేయడంలో మోదీ ప్రభుత్వం విఫలమైందని కాంగ్రెస్​ అగ్రనేత రాహుల్​ గాంధీ ఆరోపించారు. మోదీ ప్రభుత్వం అనుసరిస్తున్న విధానాల వల్లే.. జీడీపీలో భారత్​ వెనుకబడిందని విమర్శించారు.

నరేంద్రమోదీ ప్రభుత్వంపై కాంగ్రెస్​ అగ్రనేత రాహుల్​ గాంధీ తీవ్ర స్థాయిలో విమర్శలు చేశారు. కరోనాను నియంత్రించడంలో, ఆర్థిక వ్యవస్థను బలోపేతం చేయడంలో నరేంద్ర మోదీ విఫలమయ్యారని ఆరోపించారు.

ప్రపంచంలోనే అత్యధిక కొవిడ్​ మరణాలు భారత్​లో సంభవించాయని ​ట్విట్టర్​ వేదికగా ధ్వజమెత్తారు. జీడీపీ వృద్ధిలో అందరికంటే వెనుకంజలో భారత్​ ఉందని విమర్శించారు. ఈ మేరకు ఓ పట్టికను తన ట్వీట్​కు జత చేశారు.

"మోదీ ప్రభత్వ రిపోర్ట్​ కార్డు: కరోనా మరణాల్లో అందరికంటే పైన​. జీడీపీలో అందరికంటే తక్కువ​"

--రాహుల్​ గాంధీ, కాంగ్రెస్​ అగ్ర నేత

రాహుల్​ జతచేసిన పట్టికలో పది లక్షల జనాభాకు భారత్​లో అత్యధికంగా 95 మంది.. కొవిడ్​ వల్ల మృత్యవాత పడినట్లుగా ఉంది. జీడీపీ వృద్ధి రేటు -10.3 శాతంగా ఉంది.

ఇదీ చూడండి:కేంద్ర మంత్రి సదానంద గౌడకు కరోనా