పార్లమెంట్ కమిటీ భేటీ నుంచి రాహుల్​ వాకౌట్​

రక్షణ రంగానికి సంబంధించిన పార్లమెంట్​ కమిటీ​ సమావేశం నుంచి కాంగ్రెస్ సభ్యులు వాకౌట్ చేశారు. పనికిరాని చర్చలతో కమిటీ సమయం వృధా చేస్తోందని రాహుల్ గాంధీ​ ఆరోపించినట్లు అధికారులు తెలిపారు.​

రక్షణ రంగ వ్యవహారాలపై ఏర్పాటైన పార్లమెంట్ కమిటీ​ సమావేశం నుంచి రాహుల్ గాంధీ సహా కాంగ్రెస్​కు చెందిన సభ్యులు వాకౌట్​ చేసినట్లు అధికార వర్గాలు తెలిపాయి. జాతీయ భద్రత, రక్షణ బలగాలకు మెరుగైన ఆయుధ పరికరాల సమకూర్చడం వంటి కీలకమైన అంశాలపై చర్చించకుండా... జవాన్ల యూనిఫాంపై చర్చలు జరుపుతూ.. కమిటీ సమయాన్ని వృధా చేస్తోందని​ రాహుల్ ఆరోపించినట్లు ఆయా వర్గాలు వెల్లడించాయి.

"త్రిదళాధిపతి జనరల్​ బిపిన్​ రావత్​ సమక్షంలో సైనికుల యూనిఫాంపై చర్చించగా.. రాహుల్​ జోక్యం చేసుకుని రక్షణ రంగాల బలోపేతం, జాతీయ భద్రత చర్చించాలని కోరారు. చైనా దురాక్రమణ, రక్షణ దళాలకు మెరుగైన ఆయుధాలు వంటి అంశాలనూ ప్రస్తావించారు. ప్యానెల్​ ఛైర్మన్​ జుయల్​ ఓరం అనుమతించని నేపథ్యంలో రాహుల్​ సహా ఇతర కాంగ్రెస్​ సభ్యులు వాకౌట్​ చేశారు" అని అధికార వర్గాలు తెలిపాయి.

ఇదీ చూడండి:స్పెక్ట్రం వేలానికి కేబినెట్ ఆమోదం