RAHUL FIRES ON CENTRE: నిరుద్యోగ సమస్యపై ప్రభుత్వాన్ని లక్ష్యంగా చేసుకొని కాంగ్రెస్ నేత రాహుల్ గాంధీ విమర్శలు గుప్పించారు. నిరుద్యోగులపై జరిగిన ఓ సర్వే నివేదికను ఉదాహరిస్తూ.. మంచి రోజులు ఎవరికి వచ్చాయంటూ ఎద్దేవా చేశారు. ఈ మేరకు #KiskeAccheDin అనే హ్యాష్ ట్యాగ్తో రాహుల్ గాంధీ ట్వీట్ చేశారు.
దేశంలో ఉన్న 67 శాతం సూక్ష్మ, చిన్న పరిశ్రమలు నష్టాల్లో కూరుకుపోయి.. తాత్కాలికంగా మూతపడ్డాయని ఆరోపించారు రాహుల్. 2021-22 ఆర్థిక సంవత్సరంలో 66 శాతం లాభాలు తగ్గాయని ఆయన అన్నారు. కేంద్రం ఆదుకోకపోవడం వల్ల వ్యాపారులు ఇబ్బందులు పడుతున్నారని విమర్శించారు.