'రైతు మద్దతుదారులపై మోదీ సర్కార్ దాడులు'

కేంద్ర ప్రభుత్వం పనితీరుపై కాంగ్రెస్​ నేత రాహుల్​ గాంధీ మరోసారి విమర్శలు గుప్పించారు. బాలీవుడ్​ నటుల ఇళ్లు, కార్యాలయాలపై ఐటీ అధికారులు బుధవారం దాడులను తప్పుబట్టిన రాహుల్​.. ప్రభుత్వం చెప్పినట్టు ఐటీ శాఖ ఆడుతోందన్నారు.

మోదీ ప్రభుత్వంపై మరోసారి విరుచుకుపడ్డారు కాంగ్రెస్​ అగ్రనేత రాహుల్​ గాంధీ. రైతు మద్దతుదారులపై కేంద్రం.. సోదాల పేరిట దాడులు చేస్తోందని ఆరోపించారు.

రాహుల్​ గాంధీ ట్వీట్​

అన్నదాతలకు మద్దతుగా నిలిచిన బాలీవుడ్​ నటులు తాప్సీ పన్ను, దర్శకుడు అనురాగ్​ కశ్యప్​ సహా.. పలువురి ఇళ్లు, కార్యాలయాలపై ఆదాయపు పన్ను శాఖ(ఐటీ) అధికారులు సోదాలు నిర్వహించిన నేపథ్యంలో ఈ వ్యాఖ్యలు చేశారు రాహుల్​. 'మోదీ రెయిడ్స్ ​ప్రో ఫార్మర్స్​' అనే హ్యాష్​ట్యాగ్​తో ట్విట్టర్​ వేదికగా ప్రభుత్వంపై మండిపడ్డారు. 'ఉంగ్లియెన్​ పే నాచ్​నా', 'భీగి బిల్లీ బన్నా','ఖిసియాని బిల్లీ ఖంబా నీచే' అనే మూడు ప్రముఖ హిందీ జాతీయాలను ప్రస్తావించారు. కేంద్రం సూచనల మేరకు ఆదాయ పన్ను శాఖ నృత్యం చేస్తోందని, స్నేహపూర్వక మీడియా ఎన్డీఏ సర్కార్​ ముందు మోకరిల్లిందని, రైతులకు మద్దతు ప్రకటించిన వారిపై కేంద్రం దాడులు చేయిస్తోందని మండిపడ్డారు.

ఇదీ చదవండి:హిందుత్వంపై భాజపాకు ఉద్ధవ్ చురకలు