19:41 January 26
పరేడ్ను తక్షణమే నిలిపివేయాలి
కిసాన్ గణతంత్ర దినోత్సవం పరేడ్ ముగిసిందని సంయుక్త కిసాన్ మోర్చా ప్రకటించింది. రైతుల పరేడ్ను నిలిపివేసి.. తక్షణమే తమ నిరసన ప్రదేశాలకు తిరిగి రావాలని విజ్ఞప్తి చేసింది. ఉద్యమం శాంతియుతంగా కొనసాగుతుందని ప్రకటించింది. తదుపరి చర్యలపై చర్చలు జరుపుతామని పేర్కొంది.
19:34 January 26
కేంద్ర వైఖరే కారణం
దిల్లీలో హింసాత్మక ఘటనలకు కేంద్రం వైఖరే కారణం అన్నారు డీఎంకే అధ్యక్షుడు స్టాలిన్‌. ప్రధాని మోదీ ఇప్పటికైనా రైతులతో చర్చలు జరపాలన్నారు.
కేంద్రంపై తీవ్రస్థాయిలో మండిపడ్డారు బంగాల్ సీఎం మమతా బెనర్జీ. రైతుల పట్ల కేంద్ర వైఖరిని తప్పుబట్టారు.
19:28 January 26
చర్యలు తప్పవు
రైతుల ట్రాక్టర్ ర్యాలీ సమయంలో పోలీసులపై దాడులు చేసినవారి చట్టపరమైన చర్యలు తీసుకుంటామని దిల్లీ సంయుక్త పోలీసు కమిషనర్ అన్నారు.
19:09 January 26
ట్రాక్టర్ బారికేడ్లోకి దూసుకెళ్లి..
ఐటీఓ వద్ద తాము ఏర్పాటు చేసిన బారికేడ్లవైపు ట్రాక్టర్ దూసుకెళ్లి.. నిరసన వ్యక్తం చేసిన రైతు మరణించాడని దిల్లీ పోలీసులు తెలిపారు.
మృతి చెందిన రైతు మృతదేహాన్ని ఘాజీపూర్ తరలించారు అన్నదాతలు. రైతుసంఘాల నేతల పిలుపు మేరకు రైతులు వెనక్కి వెళ్తున్నారు. కేంద్రానికి వ్యతిరేకంగా నినాదాలు చేస్తూ తిరుగుపయనమయ్యారు.
18:51 January 26
కేంద్ర హోంశాఖ అధికారులతో అమిత్ షా సమీక్ష ముగిసింది. హోంశాఖ కార్యదర్శి, దిల్లీ పోలీసు కమిషనర్, ఇంటెలిజెన్స్‌ చీఫ్‌, ఇతర సీనియర్‌ అధికారులతో దిల్లీలోని పరిస్థితులపై చర్చించిన షా.. దిల్లీలో అదనపు బలగాలను మోహరించాలని నిర్ణయించినట్లు సమాచారం.
18:37 January 26
ఐటీఓ వద్ద ప్రారంభమైన వాహనాల రాకపోకలు
రైతుల ట్రాక్టర్ ర్యాలీతో కొన్ని గంటల క్రితం అల్లకల్లోంగా ఉన్న ఆదాయ పన్ను కార్యాలయం ప్రాంతంలో ప్రశాంత వాతావరణం నెలకొంది. దీంతో ట్రాఫిక్ అంతరాయానికి తెరపడి.. వాహనాల రాకపోకలు తిరిగి ప్రారంభమయ్యాయి.
18:33 January 26
'షరతులను ఉల్లఘించారు'
ట్రాక్టర్ పరేడ్కు అంగీకరించిన షరతులను నిరసనకారులు ఉల్లంఘించారని దిల్లీ పోలీసులు తెలిపారు. నిర్దేశిత సమయానికి ముందే ర్యాలీని ప్రారంభించారని.. హింసాత్మక ఘటనలు, విధ్వాంసానికి పాల్పడ్డారని వెల్లడించారు. దీంతో ప్రజా ఆస్తులు, తీవ్ర నష్టం వాటిల్లిందన్న పోలీసులు.. పలువురు పోలీసులు గాయపడ్డారని పేర్కొన్నారు.
18:20 January 26
'నిజమైన రైతులు వెనక్కి వచ్చేయండి'
దిల్లీలో దిగ్భ్రాంతికర ఘటనలు వెలుగు చూశాయన్నారు పంజాబ్ సీఎం అమరీందర్ సింగ్.హింసాయుత ఘటనలు ఆమోదయోగ్యం కాదన్నారు. శాంతియుతంగా నిరసన తెలిపే రైతుల మంచి పేరును హింస చెడగొడుతుందన్నారు. రైతు సంఘాలు ట్రాక్టర్ ర్యాలీని రద్దు చేశాయన్న ఆయన... నిజమైన రైతులు వెంటనే దేశ రాజధానిని వీడి.. సరిహద్దులకు చేరుకోవాలన్నారు.
17:51 January 26
ముగిసిన ట్రాక్టర్ ర్యాలీ అనుమతి గడువు
17:35 January 26
రైతుల ట్రాక్టర్ ర్యాలీ ఉద్రిక్తంగా మారడం వల్ల దిల్లీలో భద్రతను పెంచేందుకు కేంద్ర హోంశాఖ చర్యలు తీసుకుంది. 10 కంపెనీల సీఆర్పీఎఫ్ బలగాలను మోహరించనున్నట్లు తెలుస్తోంది.
17:31 January 26
దిల్లీలో జరిగిన ఘటనలను పంజాబ్ సీఎం అమరీందర్ సింగ్ ఖండించారు. ఇలాంటి ఘటనలు రైతుల శాంతియుత ఉద్యమంపై ప్రభావం చూపిస్తాయన్నారు. ట్రాక్టర్ ర్యాలీని నిలిపివేసి రైతులందరూ దిల్లీని వదిలి సరిహద్దులకు రావాలని కోరారు.
17:16 January 26
రైతుల పరేడ్లో జరిగిన హింసాత్మక ఘటనలను ఆమ్ఆద్మీ ఖండించింది. పరిస్థితులు ఇంతవరకూ రావడానికి కేంద్ర ప్రభుత్వ వైఖరే కారణమని ఆరోపించింది. రెండు నెలలుగా రైతు ఉద్యమం శాంతియుతంగా జరిగిందని పేర్కొంది.
17:10 January 26
గణతంత్ర పరేడ్లో పాల్గొని మరణించిన అన్నదాత మృతదేహంతో ఐటీవో వద్ద రైతులు ఆందోళన చేస్తున్నారు.
16:26 January 26
పార్లమెంటు, విజయ్ చౌక్, రాజ్పథ్, ఇండియా గేట్ వైపు వచ్చే అన్ని రహదారులు పోలీసులు మూసివేశారు. ముందు జాగ్రత్త చర్యల్లో భాగంగా మూసివేసినట్లు వెల్లడించారు. పలు రహదారులు మూసివేయడం వల్ల అనేక ప్రాంతాల్లో భారీగా ట్రాఫిక్ జామ్ నెలకొంది.
16:22 January 26
సరిహద్దులతో పాటు.. పలు ప్రదేశాల్లో చోటు చేసుకున్న పరిణామాలను అమిత్ షాకు అధికారులు వివరిస్తున్నట్లు సమాచారం. దిల్లీలో తాజా పరిణామాలపై కేంద్ర హోం శాఖలో ఉన్నత స్థాయి అధికారుల సమావేశమయ్యారు. దిల్లీ ఎన్‌సీఆర్‌ పరిధిలో పలు ప్రదేశాల్లో జరిగిన హింసాత్మక ఘటనలు, ఎర్రకోట వద్దకు రైతులు చేరుకోవడం.. వంటి ఘటనలపై చర్చిస్తున్నట్లు సమాచారం. అప్రమత్తంగా ఉండాలని అదనపు భద్రతా దళాలకు సూచించారు హోం శాఖ ఉన్నతాధికారులు.
16:08 January 26
16:04 January 26
దిల్లీలోని ఆందోళనకర ప్రాంతాల్లో నేటి మధ్యాహ్నం నుంచి 12 గంటల పాటు అంతర్జాల సేవలను కేంద్ర హోంశాఖ నిలిపివేసింది.
15:57 January 26
రైతుల గణతంత్ర ర్యాలీపై సంయక్త కిసాన్ మోర్చా ప్రకటన విడుదల చేసింది. పరేడ్లో పాల్గొన్న రైతులకు కృతజ్ఞతలు చెప్పింది. అయితే పరేడ్లో జరిగిన హింసాత్మక ఘటనలను ఖండించింది. వీటిని ఎట్టిపరిస్థితుల్లోనూ ఆమోదించేది లేదని తేల్చిచెప్పింది. కొన్ని సంఘాలు, కొంతమంది వ్యక్తులు పరేడ్ నియమాలను ఉల్లంఘించినట్లు పేర్కొంది. సంఘ విద్రోహ శక్తులు రైతుల శాంతియుత ర్యాలీని పాడుచేసేందుకు యత్నించినట్లు కిసాన్ మోర్చా ఆరోపించింది.
15:43 January 26
మెట్రో సేవల్లో పలు మార్పులు చేసినట్లు వెల్లడించింది దిల్లీ మెట్రో. పలు లైన్లలో సమస్యాత్మక ప్రదేశాల్లోని మెట్రో స్టేషన్లు మూసివేసింది. గ్రే లైన్‌ లో ఉన్న అన్ని మెట్రో స్టేషన్లు మూసివేసినట్లు ప్రకటించింది.
15:42 January 26
దిల్లీ సరిహద్దులు సింఘు, టిక్రి, ఘాజిపుర్, ముఖుర్బా చౌక్, నగ్లోయ్ సహా ఆ చుట్టుపక్క ప్రాంతాల్లో టెలికం సేవలు నిలిపివేస్తూ కేంద్రం ఉత్తర్వులు జారీ చేసింది. ప్రజా భద్రత, అత్యవసర పరిస్థితుల నేపథ్యంలో ఈ ప్రాంతాల్లో తాత్కాలికంగా ఇంటర్నెట్ సేవలు నిలిపివేస్తున్నట్లు పేర్కొంది కేంద్ర హోం శాఖ. ఇవాళ అర్ధరాత్రి వరకు సేవలు నిలుపుదల చేస్తూ ఉత్తర్వులు ఇచ్చింది.
15:40 January 26
ఎర్రకోట పరిసర ప్రాంతాల నుంచి ఆందోళనకారులను పోలీసులు అక్కడి నుంచి తరలించారు. ఈ సందర్భంగా స్వల్ప లాఠీఛార్జి చేశారు పోలీసులు.
15:34 January 26
15:29 January 26
ఎర్రకోటపైకి రైతులు ఎక్కి వారి జెండాను ఎగురవేయటాన్ని పర్యటక, సాంస్కృతిక శాఖ మంత్రి ప్రహాద్ పటేల్ ఖండించారు. దేశ ప్రజాస్వామ్యానికి ప్రతీకైన ఎర్రకోటను ఆందోళనకారులు అగౌరవపరిచారన్నారు.
15:24 January 26
14:51 January 26
రైతుల ఆందోళనను పక్కదారి పట్టించేందుకు పలు రాజకీయ పార్టీలకు చెందిన వ్యక్తులు ప్రయత్నిస్తున్నారని కిసాన్ నేతలు ఆరోపిస్తున్నారు. వారిని గుర్తించినట్లు పేర్కొన్నారు.
14:37 January 26
దిల్లీ ఎర్రకోటపై జెండా ఎగురవేసిన రైతులు.. రాజ్పథ్, రాష్ట్రపతి భవన్, విజయ్ చౌక్ వైపు వెళ్లే అవకాశం ఉందని పోలీసుల సమాచారం.
14:33 January 26
రైతులు తమతో తీసుకువచ్చిన జెండాలను ఎర్రకోట వద్ద ఎగురవేశారు.
14:27 January 26
ఐటీఓ వద్ద రైతు మృతి..
రైతుల ట్రాక్టర్ల ర్యాలీలో విషాదం చోటుచేసుకుంది. మధ్య దిల్లీ ఐటీఓ ప్రాంతం వద్ద ఓ రైతు ప్రాణాలు కోల్పోయాడు.
14:20 January 26
రైతుల ర్యాలీపై స్పందించిన రాహుల్..
రైతుల ర్యాలీపై కాంగ్రెస్ అగ్రనేత రాహుల్ గాంధీ స్పందించారు. ఏ సమస్యకూ హింస పరిష్కారం కాదని ట్వీట్ చేశారు. ఎవరికి ఏమైనా దేశం నష్టపోతుందని అన్నారు.
దేశప్రయోజనాల కోసం.. కేంద్రం వెంటనే సాగు చట్టాలను వెనక్కి తీసుకోవాలని డిమాండ్ చేశారు.
14:12 January 26
ఎర్రకోట వద్ద రైతులు..
రైతుల ట్రాక్టర్ ర్యాలీ దిల్లీ ఎర్రకోటకు చేరింది. పలు రైతు సంఘాల నాయకులు ఎర్రకోట ఎక్కి.. కేంద్ర ప్రభుత్వానికి, సాగు చట్టాలకు వ్యతిరేకంగా నినాదాలు చేశారు.
14:02 January 26
ఎర్రకోట వద్ద రైతుల నినాదాలు..
13:41 January 26
ముందుగా పోలీసులకు చెప్పిన మార్గంలో కాకుండా రైతులు పరేడ్ రూట్ను మార్చారు. ఆందోళనకారులు ట్రాక్టర్లపై ఎర్రకోట చేరుకున్నారు.
13:26 January 26
రూట్ మ్యాప్ను కాదని సెంట్రల్ దిల్లీలోకి ప్రవేశించిన రైతులను అడ్డుకునేందుకు పోలీసులు లాఠీఛార్జ్ చేశారు. రైతులు సైతం పోలీసులపై దాడికి యత్నించారు. ఈ నేపథ్యంలో ఐటీఓ ప్రాంతంలో ఉద్రిక్త పరిస్థితులు నెలకొన్నాయి.
13:18 January 26
దిల్లీలోకి ప్రవేశించేందుకు యత్నిస్తోన్న రైతులను అడ్డుకునేందుకు నన్గ్లోయి వద్ద పోలీసులు రోడ్డుపై బైఠాయించారు.
13:00 January 26
12:57 January 26
సెంట్రల్ దిల్లీలోని ఐటీఓ వద్ద రైతులను చెదరగొట్టేందుకు పోలీసులు బాష్పవాయువు గోళాలను ప్రయోగించారు.
12:52 January 26
రైతుల గణతంత్ర పరేడ్ హింసాత్మకంగా మారింది. బారీకేడ్లను దాటుకొని దిల్లీలో ప్రవేశించిన రైతులు.. అడ్డుపడిన పోలీసులపై దాడికి దిగారు. పోలీసు వాహనాన్ని ధ్వంసం చేశారు.
12:46 January 26
దిల్లీ పోలీసు హెడ్క్వార్టర్స్ ఎదురుగా ఉన్న బారీకేడ్లను దాటుకొని రైతులు ఐటీఓ చేరుకున్నారు.
12:42 January 26
గణతంత్ర కవాతు చేస్తోన్న రైతులు ఐటీఓ ప్రాంతంలో ఓ డీటీసీ బస్సును ధ్వంసం చేశారు.
12:21 January 26
ఘాజీపుర్ సరిహద్దు నుంచి రైతులు ప్రగతి మైదాన్ దగ్గరకు చేరుకున్నారు. సెంట్రల్ దిల్లీ వైపు రైతులు వెళ్తున్నారు,
11:51 January 26
కర్నాల్ బైపాస్ వద్ద బారీకేడ్లను తొలగించి దిల్లీలోకి ప్రవేశించేందుకు రైతులు ప్రయత్నించారు. పోలీసులు వారిని నిలువరిస్తున్నారు.
11:43 January 26
రైతులు వెనక్కి తగ్గకపోయేసరికి పోలీసులు జలఫిరంగులను ప్రయోగించారు. అయితే రైతులు.. వాహనంపైకి ఎక్కి అడ్డుకునే ప్రయత్నం చేశారు.
11:41 January 26
దిల్లీ సంజయ్ గాంధీ ట్రాన్స్పోర్ట్ నగర్ వద్ద రైతులను చెదరగొట్టేందుకు పోలీసులు బాష్పవాయువు గోళాలు ప్రయోగించారు. సింఘు సరిహద్దు నుంచి రైతులు ర్యాలీగా ఇక్కడకు చేరుకున్నారు.
11:29 January 26
రైతుల ట్రాక్టర్ ర్యాలీతో దిల్లీ సరిహద్దులో ఉద్రిక్త పరిస్థితులు నెలకొన్నాయి. రైతులపై లాఠీఛార్జీ చేసిన పోలీసులపై రైతులు కత్తులు, కర్రలతో దాడి చేసేందుకు ప్రయత్నించారు.
11:21 January 26
దిల్లీ అక్షర్ధామ్ వద్ద రైతులపై పోలీసులు లాఠీఛార్జ్ చేశారు.
10:58 January 26
సింఘ సరిహద్దు నుంచి దిల్లీలో ప్రవేశించిన రైతులపై పోలీసులు బాష్పవాయువు ప్రయోగించారు. సంజయ్ గాంధీ ట్రాన్స్పోర్ట్ నగర్లో పెద్ద ఎత్తున బలగాలు రైతులను నిలువరించేందుకు ప్రయత్నిస్తున్నాయి.
10:41 January 26
09:36 January 26
దిల్లీలోకి ప్రవేశించిన ట్రాక్టర్లు..
టిక్రీ సరిహద్దు నుంచి ట్రాక్టర్లు దిల్లీలోకి ప్రవేశించాయి. ఈ ర్యాలీలో పెద్ద ఎత్తున రైతులు పాల్గొన్నారు. కేంద్ర ప్రభుత్వానికి వ్యతిరేకంగా నినాదాలు చేస్తూ.. దేశ రాజధానిలో పరేడ్కు సిద్ధమయ్యారు.
09:26 January 26
సింఘూ సరిహద్దు వద్ద..
రిపబ్లిక్ డే సందర్భంగా.. దిల్లీలో నిర్వహించ తలపెట్టిన ట్రాక్టర్ ర్యాలీ కోసం రైతులు భారీగా తరలివెళ్తున్నారు. దిల్లీ-హరియాణా సింఘూ సరిహద్దు వద్ద పోలీసులు పటిష్ఠ బందోబస్తు ఏర్పాటు చేశారు. కేంద్రం తీసుకొచ్చిన సాగు చట్టాలకు వ్యతిరేకంగా నినాదాలు చేస్తూ ఉత్సాహంగా కనిపిస్తున్నారు రైతులు.
09:23 January 26
దిల్లీ ధాన్సా సరిహద్దు వద్ద ర్యాలీ..
దిల్లీ ధాన్సా సరిహద్దు వద్ద.. సాగు చట్టాలకు వ్యతిరేకంగా రైతులు ట్రాక్టర్ ర్యాలీ నిర్వహిస్తున్నారు. పోలీసులు కట్టుదిట్టమైన భద్రతా ఏర్పాట్లు చేశారు.
09:10 January 26
టిక్రీ సరిహద్దు వద్ద ఉద్రిక్తం..
దిల్లీ-హరియాణా టిక్రీ సరిహద్దు వద్ద ఉద్రిక్త పరిస్థితులు నెలకొన్నాయి. ట్రాక్టర్ ర్యాలీకి సిద్ధమైన రైతులు.. బారికేడ్లను దాటుకొని వెళ్లే ప్రయత్నం చేశారు. పోలీసులు అడ్డుకోగా.. ఉద్రిక్త పరిస్థితులు నెలకొన్నాయి.
08:23 January 26
లైవ్ అప్డేట్స్: ట్రాక్టర్ ర్యాలీకి రైతులు సన్నద్ధం
సాగుచట్టాలకు వ్యతిరేకంగా దిల్లీ సరిహద్దుల్లో అలుపెరుగని పోరు చేస్తున్న రైతులు కిసాన్ గణతంత్ర పరేడ్కు సిద్ధమయ్యారు. ర్యాలీలో పాల్గొనేందుకు పొరుగు రాష్ట్రాల నుంచి వేలాది మంది రైతులు ఇప్పటికే ట్రాక్టర్లతో దిల్లీ చేరుకున్నారు. ట్రాక్టర్ ర్యాలీ నేపథ్యంలో రైతు సంఘాలతో ఒప్పందం చేసుకున్న దిల్లీ పోలీసులు ఐదువేల ట్రాక్టర్లు, ఐదు వేల మందికి మాత్రమే అనుమతిస్తున్నట్లు స్పష్టం చేశారు.
సాగు చట్టాల రద్దు కోసం రెండు నెలలుగా కొనసాగుతున్న రైతు ఉద్యమం చరిత్రాత్మక ఘట్టానికి సిద్ధమైంది. గణతంత్ర దినోత్సవాన్ని పురస్కరించుకొని దేశ రాజధానిలో భారీ కవాతు నిర్వహించేందుకు పంజాబ్, హరియాణాతో పాటు ఉత్తర్‌ప్రదేశ్‌ నంచి భారీ సంఖ్యలో కర్షకులు తరలివచ్చారు. రాజ్‌పథ్‌లో అధికారిక గణతంత్ర వేడుకలు ముగిసిన వెంటనే దిల్లీ సరిహద్దుల్లోని సింఘూ, టిక్రీ, ఘాజీపుర్‌లోని దీక్షా శిబిరాల వద్ద నుంచి శకటాలు, ట్రాక్టర్లు ప్రదర్శనగా బయలుదేరుతాయి.
