పుదుచ్చేరి స్పీకర్ శివకొలుందు​ రాజీనామా

పుదుచ్చేరి స్పీకర్​ వీపీ శివకొలుందు తన పదవికి రాజీనామా చేశారు. ఎన్నికల వేళ కొలుందు సోదరుడు భాజపాలో చేరడం వల్ల ఈ రాజీనామాకు ప్రాధాన్యం సంతరించుకుంది. అయితే.. అనారోగ్య కారణాలతోనే రాజీనామా చేసినట్లు శివకొలుందు తెలిపారు.

అసెంబ్లీ ఎన్నికల వేళ పుదుచ్చేరి స్పీకర్ వీపీ శివకొలుందు తన పదవికి రాజీనామా చేశారు. కాంగ్రెస్​ పార్టీకి చెందిన శివకొలుందు తన రాజీనామా లేఖను లెఫ్ట్​నెంట్​ గవర్నర్​ తమిళిసై సౌందర రాజన్​కు సమర్పించారు. అనారోగ్యం కారణంగానే వైదొలుగుతున్నట్లు రాజీనామాలో పేర్కొన్నారు.

భాజపాలోకి కొలుందు సోదరుడు

నెలరోజుల్లో ఎన్నికలు జరగనున్న నేపథ్యంలో శివకొలుందు సోదరుడు వీపీ రామలింగం భాజపాలో చేరారు. కేంద్ర హోం మంత్రి అమిత్​ షా సమక్షంలో భాజపా కండువా కప్పుకున్నారు. దీంతో శివకొలుందు రాజీనామాకు ప్రాధాన్యం సంతరించుకుంది.

ఫిబ్రవరి 21న తమ ఎమ్మెల్యే పదవికీ రాజీనామా చేసిన కాంగ్రెస్​ మాజీ నేతలు కే లక్ష్మీనారాయణ్​​, కే వెంకటేషన్​లు కూడా కమల తీర్థం పుచ్చుకున్నారు.

ఇదీ చూడండి:'వారసత్వ రాజకీయాల వల్లే కాంగ్రెస్​ పతనం'