బ్యాలెన్స్​ తప్పిన దీదీ స్కూటర్​!

దేశంలో పెరిగిన ఇంధన ధరలను నిరసిస్తూ.. బంగాల్​ ముఖ్యమంత్రి మమతా బెనర్జీ ఎలక్ట్రిక్​ స్కూటర్​ను నడిపారు. ద్విచక్ర వాహనం నడపడం అలవాటు లేని దీదీ ఒకానొక దశలో కిందపడబోయారు.

దేశంలో పెరుగుతోన్న పెట్రోల్​, డీజిల్ ధరలపై తనదైన శైలిలో నిరసన తెలిపారు బంగాల్​ ముఖ్యమంత్రి మమతా బెనర్జీ. రాష్ట్ర సచివాలయం నుంచి కాళీఘాట్​ వరకు ఎలక్ట్రిక్​ స్కూటర్​ను దీదీనే స్వయంగా నడిపి అందరినీ ఆశ్చర్యపరిచారు. ఒకానొక దశలో మమత స్కూటర్ పైనుంచి కిందపడబోయారు. ఈ క్రమంలో పక్కన ఉన్న భద్రతా సిబ్బంది ఆమె పడిపోకుండా చూశారు. అయినా పట్టువదలని దీదీ కాళీఘాట్​ చేరే వరకు నిదానంగా ద్విచక్రవాహనాన్ని నడిపారు.

ముఖ్యమంత్రే స్వయంగా రోడ్డు మీదకు వచ్చి ద్విచక్ర వాహనం నడపడం చూసిన కోల్​కతా వాసులు సెల్​ఫోన్​లకు పని చెప్పారు. ఫొటోలు, వీడియోలు తీసి.. సామాజిక మాధ్యమాల్లో పంచుకున్నారు.