ఇటలీకి బయలుదేరిన ప్రధాని మోదీ

జీ20 సదస్సు (G20 Summit 2021) కోసం ఇటలీ పర్యటనకు ప్రధానమంత్రి నరేంద్ర మోదీ(PM Modi news) బయలుదేరారు. ఇటలీ అధ్యక్షతన జరుగుతున్న ఈ సమావేశాన్ని.. పీపుల్, ప్లానెట్, ప్రాస్పరిటీ అనే ఇతివృత్తంతో నిర్వహిస్తున్నారు.

ప్రధానమంత్రి నరేంద్ర మోదీ ఇటలీ పర్యటనకు (Modi Italy visit 2021) శుక్రవారం బయలుదేరారు. అక్టోబర్ 30-31 తేదీల్లో రోమ్​లో జరగనున్న జీ20 సమావేశంలో (G20 Summit 2021) పాల్గొంటారు. ఇటలీ ప్రధాని మారియో డ్రాగి ఆహ్వానం మేరకు జీ20 సదస్సుకు హాజరవుతున్నారు.

ఇటలీ అధ్యక్షతన జరుగుతున్న ఈ సమావేశాన్ని.. పీపుల్, ప్లానెట్, ప్రాస్పరిటీ అనే ఇతివృత్తంతో నిర్వహిస్తున్నారు. జీ20 సభ్యదేశాలు, ఇతర ఆహ్వానిత దేశాల అధినేతలు, అంతర్జాతీయ సంస్థల ప్రతినిధులు ఈ సదస్సుకు హాజరవుతారు. మహమ్మారి అనంతరం ప్రపంచ ఆర్థిక, ఆరోగ్య సవాళ్లపై చర్చించనున్నారు.

పర్యటన పూర్తి వివరాలు..

రోమ్​కు చేరుకోగానే (Modi Italy visit 2021) మహాత్మా గాంధీ విగ్రహం ఉన్న పియాజా గాంధీ ప్రాంతానికి మోదీ వెళ్లనున్నారు. అక్కడ మహాత్ముడికి నివాళులు అర్పిస్తారు. ప్రధానితో పాటు ఇటలీలోని భారత రాయబారి నీనా మల్హోత్రా అక్కడికి వెళ్తారు. రోమ్ మేయర్ రాబర్టో గువాల్టిరీ సైతం పియాజా గాంధీ ప్రాంతానికి వచ్చే అవకాశం ఉంది.

అక్టోబర్ 30-31 తేదీల్లో జీ20 సమావేశంలో (G20 Summit 2021) మోదీ పాల్గొంటారు. పర్యటనలో (Modi Italy visit 2021) భాగంగా ఇటలీ ప్రధాని మారియో డ్రాగితో ద్వైపాక్షికంగా భేటీ కానున్నారు మోదీ. వీటితో పాటు మరికొన్ని ద్వైపాక్షిక భేటీలు నిర్వహిస్తారు. జీ20 సమావేశం అనంతరం గ్లాస్గోలో జరగనున్న కాప్26 వరల్డ్ లీడర్స్ సమిట్​లోనూ పాల్గొంటారు.

పోప్ ఫ్రాన్సిస్​తో భేటీ!

ఇటలీ పర్యటన రెండో రోజు క్రైస్తవ మతగురువు పోప్​ ఫ్రాన్సిస్​తో ప్రధాని భేటీ (Modi Pope Francis) అవుతారని సంబంధిత వర్గాలు తెలిపాయి. దీనిపై అధికారికంగా ఎలాంటి ప్రకటన రాకపోయినప్పటికీ.. వాటికన్ సిటీకి వెళ్లి ఆయన్ను కలుస్తారని సమాచారం. పోప్​తో సమావేశం ఏ విధమైనదనే విషయంపై అధికారులు ఎలాంటి వివరాలు వెల్లడించలేదు. అయితే, ఇరు దేశాల మధ్య ఆత్మవిశ్వాసం పెంపొందించే విధంగా భేటీ ఉంటుందని తెలుస్తోంది.

ఇదీ చూడండి:-'ఆసియాన్​ దేశాలతో స్నేహమే భారత్​కు ప్రధానం'