బాలుడిపై అత్యాచారం చేసిన చర్చి ఫాదర్​కు జీవిత ఖైదు

Priest gets life sentence: 13 ఏళ్ల బాలుడిపై అత్యాచారానికి పాల్పడిన ఓ చర్చి ఫాదర్​కు జీవిత ఖైదు విధించింది ముంబయిలోని పోక్సో కోర్టు. సెక్షన్​ 6, 12 ప్రకారం శిక్ష ఖరారు చేసింది.

Priest gets life sentence: అత్యాచారం కేసులో కీలక తీర్పు వెలువరించింది మహారాష్ట్ర, ముంబయిలోని పోక్సో ప్రత్యేక కోర్టు. 13ఏళ్ల బాలుడిపై అఘాయిత్యానికి పాల్పడిన ఓ చర్చి ఫాదర్​కు జీవిత ఖైదు విధించింది.

2015లో ఓ చర్చి ఫాదర్​ జాన్సన్​ లారెన్స్​.. 13 ఏళ్ల బాలుడిపై అత్యాచారానికి పాల్పడ్డాడు. ఈ ఘటనపై బాధితుడి తల్లిదండ్రులు పోలీసులకు ఫిర్యాదు చేశారు. ఈ క్రమంలో 2015, డిసెంబర్​లో ఫాదర్​ను అరెస్ట్​ చేశారు. అప్పటి నుంచి జైలులోనే ఉన్నాడు.

ఈ కేసును బుధవారం ప్రత్యేక కోర్టు విచారణ చేపట్టింది. చిన్నారుల లైగింక వేధింపుల నిరోధక చట్టం(పోక్సో)లోని సెక్షన్​ 6, 12 ప్రకారం దోషిగా తేల్చారు న్యాయమూర్తి సీమా జాధవ్. జాన్సన్​ లారెన్స్​కు జీవిత ఖైదు విధిస్తూ తీర్పు వెలువరించారు.

ఇదీ చూడండి: