Farm Laws Repeal: మూడు వ్యవసాయ చట్టాల రద్దుకు సంబంధించిన బిల్లుకు రాష్ట్రపతి రామ్నాథ్ కోవింద్ బుధవారం ఆమోదం తెలిపారు. దీంతో వివాదానికి కారణమైన ఈ మూడు చట్టాల రద్దు ప్రక్రియ పూర్తయింది. పార్లమెంట్‌ శీతాకాల సమావేశాలు ప్రారంభమైన తొలి రోజే (సోమవారం) ఈ మూడు చట్టాల రద్దుకు సంబంధించిన బిల్లును కేంద్ర వ్యవసాయ శాఖ మంత్రి నరేంద్రసింగ్‌ తోమర్‌ ప్రవేశపెట్టారు. తొలుత లోక్‌సభ, తర్వాత రాజ్యసభలో.. ఎలాంటి చర్చా లేకుండానే ఈ బిల్లు ఆమోదం పొందింది.
Farm Laws: సాగు చట్టాల రద్దుకు రాష్ట్రపతి ఆమోదం
Farm Laws Repeal: సాగు చట్టాలను రద్దు చేస్తూ కేంద్రం ప్రవేశపెట్టిన బిల్లుకు రాష్ట్రపతి రామ్నాథ్ కోవింద్ ఆమోదం తెలిపారు. దీంతో వివాదాస్పద వ్యవసాయ చట్టాల రద్దు ప్రక్రియ పూర్తయింది.
రాష్ట్రపతి రామ్నాథ్ కోవింద్
వ్యవసాయ చట్టాల రద్దు కోరుతూ ఏడాదిగా దిల్లీ సరిహద్దుల్లో పంజాబ్‌, హరియాణా, యూపీ రైతులు ఆందోళన చేపట్టారు. పంజాబ్‌, యూపీ ఎన్నికలను దృష్టిలో ఉంచుకుని కేంద్రం రద్దు నిర్ణయం తీసుకుందని విపక్షాలు ఆరోపిస్తున్నాయి.
ఇదీ చూడండి :రాజస్థాన్లో ప్రభుత్వ ఉద్యోగాల కోసం యూపీలో నిరసన- ఎందుకిలా?