ఉత్తరాఖండ్ వరద చిత్రాలు- ఇస్రో విడుదల

ఉత్తరాఖండ్ వరద బీభత్సానికి సంబంధించిన శాటిలైట్ చిత్రాలను ఇస్రో విడుదల చేసింది. వరదల వల్ల రిషీ గంగా, ధౌళి గంగా నదీ పరివాహక ప్రాంతాల్లోని డ్యాంలు పూర్తిగా ధ్వంసమైనట్లు ఈ చిత్రాల్లో తెలుస్తుంది. వరద ప్రవాహానికి ధౌళి గంగా ప్రాంతంలో భారీ ఎత్తున శిథిలాలు పోగయ్యాయని చిత్రాల ద్వారా తెలుస్తోంది.

ఉత్తరాఖండ్ జలవిలయానికి సంబంధించిన శాటిలైట్ చిత్రాలను విడుదల చేసింది ఇస్రో. వరద ఉద్ధృతికి ముందు.. తరువాత గల తేడాలను ఈ చిత్రాల ద్వారా ఇస్రో తెలిపింది. వరదల వల్ల రిషీ గంగా, ధౌళి గంగా నదీ పరివాహక ప్రాంతాల్లోని డ్యాంలు పూర్తిగా ధ్వంసమైనట్లు ఈ చిత్రాల్లో తెలుస్తుంది. వరద ధాటికి ధౌళి గంగా ప్రాంతంలో భారీ ఎత్తున శిథిలాలు పోగయ్యాయని చిత్రాలు వివరిస్తున్నాయి. ఈ చిత్రాలను కార్టొశాట్​-3 శాటిలైట్ తీసింది. వీటిని హైదరాబాద్​లోని నేషనల్​ రిమోట్​ సెన్సింగ్​ సెంటర్​ విశ్లేషించింది.

శాటిలైట్​ చిత్రాలు

చమోలీ తదితర ప్రాంతాల్లో సహాయక చర్యలు జోరుగా సాగుతున్న వేళ ఇస్రో ఈ చిత్రాలను ప్రభుత్వ అధికారులకు అందించింది. ఈ ఘటనకు గల కారణాలను డీఆర్​డీఓ, ఇస్రో శాస్త్రవేత్తలు కలిసి దర్యాప్తు చేస్తున్నారు.

దేవభూమి ఉత్తరాఖండ్‌లో ఆదివారం జల విలయం బీభత్సం సృష్టించింది. జోషిమఠ్‌ వద్ద నందాదేవీ హిమానీనదం కట్టలు తెంచుకోవడం వల్ల చమోలీ జిల్లా రేనీ తపోవన్‌ వద్ద రిషి గంగా నదికి ఆకస్మిక వరదలు సంభవించాయి. రెండు జల విద్యుత్​ ప్రాజెక్టులు ధ్వంసమయ్యాయి. ఈ ఘటనలో సుమారు 170మంది గల్లంతయ్యారు. ఇప్పటివరకు 32 మంది మృతిచెందారు.

ఇదీ చూడండి:సొరంగంలోని వారి కోసం జోరుగా సహాయక చర్యలు