కర్ఫ్యూ వేళ రేవ్​ పార్టీ.. అదుపులోకి 130 మంది

కొవిడ్ ఆంక్షలు ఉన్నప్పటికీ రేవ్​ పార్టీ చేసుకున్న 130 మందిని అదుపులోకి తీసుకున్నారు కర్ణాటక పోలీసులు. వారి నుంచి నిషేధిత మత్తు పదార్థాలు సహా లగ్జరీ కార్లు స్వాధీనం చేసుకున్నారు.

కర్ణాటకలో రేవ్​ పార్టీలో పాల్గొన్న 130 మందిని అదుపులోకి తీసుకున్నారు పోలీసులు. హసన్​ జిల్లాలోని ఆలూర్​ తాలుకా శివార్లలోని ఓ ఎస్టేట్​లో శనివారం రాత్రి ఈ పార్టీ జరిగినట్లు వెల్లడించారు. పక్కా సమాచారంతో దాడి చేసిన పోలీసులు.. మద్యం, గంజాయి, ఇతర మత్తు పదార్థాలను స్వాధీనం చేసుకున్నారు.

మరో 20 లగ్జరీ కార్లు, 50కి పైగా బైకులను కూడా పోలీసులు స్వాధీనం చేసుకున్నారు. ఎస్టేట్​ యజమానిని అరెస్టు చేసి, అతడిపై కేసు నమోదు చేశారు.

కొవిడ్​ కట్టడికి బెంగళూరు సహా 7 జిల్లాల్లో రాత్రి కర్ఫ్యూతో పాటు కఠిన ఆంక్షలు విధించారు. అయినప్పటికీ 'అత్యవసర సేవల' నెపంతో బెంగళూరు, మంగళూరు, గోవా సహా పలు ప్రాంతాల నుంచి జనం హాజరైనట్లు పోలీసులు తెలిపారు.

ఇదీ చూడండి:కర్ణాటక మత్తు దందాలో కదులుతున్న డొంక