మళ్లీ డ్రగ్స్ కలకలం.. రూ.60కోట్ల సరకు స్వాధీనం.. ఏడుగురు అరెస్ట్

Delhi Drugs: డ్రగ్స్ సరఫరా చేస్తున్న ఏడుగురిని అరెస్ట్​ చేశారు దిల్లీ పోలీసులు. వీరి నుంచి రూ.60 కోట్ల విలువైన 15.05 కిలోల హెరాయిన్​ను స్వాధీనం చేసుకున్నారు. మరో ఘటనలో అసోంలో నల్లమందును తరలిస్తున్న ఇద్దరిని పోలీసులు అరెస్ట్​ చేశారు.

Delhi Drugs: దేశ రాజధాని దిల్లీలో డ్రగ్స్ సరఫరా చేస్తున్న రెండు ముఠాలను పోలీసులు అరెస్ట్ చేశారు. వీరి నుంచి రూ.60 కోట్లు విలువైన 15.05 కిలోల హెరాయిన్​ను స్వాధీనం చేసుకున్నట్లు తెలిపారు. ఈ కేసులో మొత్తం ఏడుగురిని అరెస్ట్ చేసినట్లు చెప్పారు. పట్టుబడిన ముఠాలు ఈ హెరాయిన్​ను అంతర్జాతీయ మార్కెట్​లో విక్రయిస్తున్నాయి.

అస్సోం కార్బి ఆంగ్లోంగ్ జిల్లాలో నల్లమందును తరలిస్తున్న ఇద్దరిని పోలీసులు అరెస్ట్​చేశారు. వీరి వద్ద నుంచి రూ.50 లక్షల విలువైన 45 కిలోల ఓపియంను స్వాధీనం చేసుకున్నట్లు పోలీసులు తెలిపారు. బోర్​పత్తర్​ పోలీస్​ స్టేషన్​ పరిధిలో వీరిని పట్టుకున్నామని.. నిందితులను రాజస్థాన్‌కు చెందిన వారిగా గుర్తించామన్నారు. తదుపరి విచారణ కొనసాగుతోందని పోలీసులు తెలిపారు.

ఇదీ చదవండి:మెడికోతో లవ్ ఫెయిల్.. కక్షతో ల్యాప్​టాప్స్​ చోరీ.. ప్రతి కాలేజీకి టైమ్​టేబుల్ వేసి మరీ...