'గురు గోవింద్​ సింగ్​ జీవితం.. మానవాళికి స్ఫూర్తిదాయకం'

10వ సిక్కుమత గురువు గురు గోవింద్​ సింగ్​ జయంతిని పురస్కరించుకుని రాష్ట్రపతి, ప్రధానమంత్రి, ఉపరాష్ట్రపతి ఆయనను స్మరించుకున్నారు. ఆయన జీవితం మానవాళికి స్ఫూర్తిదాయకమని రాష్ట్రపతి రామ్​నాథ్​ కోవింద్ అన్నారు.

సిక్కుల మత గురువు గురు గోవింద్‌ సింగ్‌ జయంతి(ప్రకాష్​ పూరవ్​) సందర్భంగా.. రాష్ట్రపతి, ప్రధాని, ఉపరాష్ట్రపతి బుధవారం నివాళులర్పించారు. గురు గోవింద్‌ సింగ్‌ జీవితం.. మానవాళికి స్ఫూర్తిదాయకమని రాష్ట్రపతి రామ్‌నాథ్‌ కొవింద్‌ పేర్కొన్నారు. సమానత్వం, సమగ్రతను ఆయన జీవితం ప్రతిబింబిస్తుందన్నారు.

10వ సిక్కు గురువు గోవింద్‌ సింగ్‌ జీవితం సంఘటిత సమాజాన్ని సృష్టించడానికి తోడ్పడిందని ప్రధాని మోదీ కొనియాడారు. సమగ్ర సమాజాన్ని సృష్టించడానికి ఆయన అంకితభావంతో కృషి చేశారని మోదీ ట్వీట్‌ చేశారు.

గురుగోవింద్​ సింగ్​ జయంతిని పురస్కరించుకుని ఉపరాష్ట్రపతి ఎం.వెంకయ్య నాయుడు బుధవారం శుభాకాంక్షలు తెలిపారు. గురు బోధనలు సార్వజనీనమైనవని అన్నారు. ధైర్యం, కరుణ, సమాజసేవకు గురూజీ మారుపేరు అని పేర్కొన్నారు.

సింగ్​ జయంతి సందర్భంగాభక్తులు ఉదయాన్నే అమృత్‌సర్‌లోని స్వర్ణదేవాలన్ని దర్శించుకున్నారు. రైతు చట్టాల రద్దుకు ఆందోళన చేస్తున్న రైతులు సింఘు సరిహద్దుల్లోనే సిక్కు గురువుకు నివాళులు అర్పించారు.

ఇదీ చూడండి:ప్రముఖ మతబోధకుడి ఇంట్లో ఐటీ సోదాలు