''మోదీ దుకాణం'లో ఔషధాలు కొనండి'

జనౌషధి కేంద్రాల్లో సరసమైన ధరలకే ఔషధాలను కొనుగోలు చేయాలని ప్రధాన మంత్రి పిలుపునిచ్చారు. షిల్లాంగ్​లో 7,500వ జనౌషధి కేంద్రాన్ని ఆయన ప్రారంభించారు. ఈ ఔషధ కేంద్రాల ద్వారా పేదలు రూ.9,000 కోట్లను ఆదా చేయగలిగారని తెలిపారు.

సరసమైన ధరలకు జనౌషధి కేంద్రాల్లోమందులను కొనుగోలు చేయాలని ప్రధానమంత్రి నరేంద్ర మోదీ కోరారు. షిల్లాంగ్​లో జనౌషధి దినోత్సవ వేడుకల్లో వర్చువల్​గా పాల్గొన్న ఆయన.. 'ప్రధానమంత్రి భారతీయ జనౌషధి ప్రయోజన' పథక లబ్ధిదారులతో మాట్లాడారు.

"ఔషధాలు చాలా ఖరీదైనవి. అందుకే మేం పేదల కోసం జనౌషధి పథకాన్ని తీసుకువచ్చాం.పేదలు తక్కువ ధరకు మందులను కొనగోలు చేయడం ద్వారా రూ.9,000 కోట్లను ఆదా చేయగలిగారు. ఖరీదైన ఖర్చుల కారణంగా ఔషధాలను కొనలేని వారు ఇప్పుడు వీటి ద్వారా లబ్ధిపొందుతున్నారు. సరసమైన ధరలకే ఈ కేంద్రాల్లో ఔషధాలను కొనుగోలు చేయాలని నేను ప్రజలను కోరుతున్నాను. వీటిని 'మోదీ దుకాణం' అని ప్రజలు పిలుస్తున్నారు. మోదీ దుకాణంలోనే మందులు కొనుగోలు చేయండి."

-ప్రధాన మంత్రి నరేంద్ర మోదీ.

అంతకుముందు ఎన్​ఈఐజీఆర్​ఐహెచ్​ఎంఎస్​(నార్త్ ఈస్ట్ ఇందిరా గాంధీ రీజనల్​ ఇన్​స్టిట్యూట్​ ఆఫ్​ హెల్త్​ అండ్​ మెడికల్​ సైన్సెస్​) వద్ద 7,500వ జనౌషధి కేంద్రాన్ని వర్చుల్​గా మోదీ ప్రారంభించి.. జాతికి అంకితం ఇచ్చారు.

ఇదీ చూడండి:బంగాల్​ దంగల్​: మోదీ సభకు సర్వం సిద్ధం