పుట్టిన రోజు శుభాకాంక్షలు తెలిపిన ప్రముఖులకు, ప్రపంచ దేశాల నేతలకు ధన్యవాదాలు తెలిపారు ప్రధాని నరేంద్ర మోదీ (Modi ji Birthday). శ్రీలంక అధ్యక్షుడు గొటబాయ రాజపక్ష, నేపాల్ ప్రధాని షేర్ బహదూర్ దేవ్బాకు ప్రత్యేక కృతజ్ఞతలు తెలిపారు.
71వ పుట్టిన రోజు జరుపుకున్న మోదీకి(Modi Birthday Wishes) దేశవ్యాప్తంగా శుభాకాంక్షలు వెల్లువెత్తాయి. ఈ సందర్భంగా మాట్లాడిన మోదీ.. దేశం కోసం మరింత దృఢసంకల్పంతో పనిచేసేలా అందరూ ఆశీర్వదించడం ఆనందంగా ఉందని తెలిపారు. ఈ ఆనందాన్ని మాటల్లో చెప్పలేకపోతున్నానని అన్నారు.
"మన బంధం ఇంకా కొనసాగుతుంది. ఇంకా దేశానికి చేయాల్సింది చాలా ఉంది. భారతావనిని దృఢమైన దేశంగా తీర్చిదిద్దాలనే లక్ష్యం నెరవేరేవరకు మనం ఆగిపోకూడదు. ఈ దేశం కోసం ఎంతో మంది ప్రాణత్యాగం చేశారు. జైహింద్."
--నరేంద్ర మోదీ, ప్రధాని.
దేశవ్యాప్తంగా నేడు రికార్డు స్థాయిలో టీకాలు(Vaccination Record India) ఇవ్వడం ఆనందంగా ఉందని చెబుతూ మోదీ(Modi Ji) పలు ట్వీట్లు చేశారు. డాక్టర్లు, నర్సులు, ఆరోగ్య సిబ్బంది విశేష కృషిని కొనియాడారు. కొవిడ్ కట్టడిలో భాగంగా వ్యాక్సినేషన్ ప్రక్రియ మరింత వేగవంతం చేయాలని అన్నారు.
సేవా ఔర్ సమర్పన్..