దేశంలో కరోనా కేసులు పెరుగుతున్న నేపథ్యంలో అన్ని రాష్ట్రాల ముఖ్యమంత్రులతో ఇవాళ సాయంత్రం 6:30 గంటలకు వర్చువల్గా సమావేశం కానున్నారు ప్రధాని నరేంద్ర మోదీ. వైరస్ వ్యాప్తి, వ్యాక్సినేషన్పై చర్చించనున్నారు. కొవిడ్ కట్టడికి తీసుకోవాల్సిన చర్యలపైనా దిశా నిర్దేశం చేయనున్నారు.
తేగ్ బహదూర్ జయంతి
శ్రీ గురు తేగ్ బహదూర్ 400వ జయంతిని పురస్కరించుకుని నేడు ఉన్నత స్థాయి కమిటీ సమావేశంలోనూ మోదీ పాల్గొననున్నారు. ఉదయం 11 గంటలకు వర్చువల్గా జరిగే ఈ భేటీకి కేంద్ర హోంమంత్రి అమిత్ షా కూడా హాజరవుతారు.
తేగ్ బహదూర్ 400వ జయంతిని ప్రత్యేకంగా నిర్వహించేందుకు ఉన్నత స్థాయి కమిటీని 2020 అక్టోబర్ 24న కేంద్రం ఏర్పాటు చేసింది. 70 మంది సభ్యులున్న ఈ కమిటీకి ప్రధాని మోదీ నేతృత్వం వహిస్తారు. తేగ్ బహదూర్ స్మారకార్థం ఈ ఏడాది పొడవునా నిర్వహించాల్సిన ప్రత్యేక కార్యక్రమాలు, వాటి ప్రణాళికల గురించి ఇవాళ్టి భేటీలో చర్చిస్తారు.
ఇదీ చూడండి:రోజుని అలా ప్రారంభించడమే నాకిష్టం: మోదీ
