ఆఫ్రికా సహా అన్ని దేశాలకూ అవసరమైన వ్యాక్సిన్లు, ఫార్మాస్యూటికల్స్‌ను ఉత్పత్తిచేసే సామర్థ్యం భారత్‌కు ఉందని, ఇది కొనసాగుతుందని.. దక్షిణాఫ్రికా అధ్యక్షుడు సిరిల్‌ రమాపోసాకు ప్రధాని మోదీ తెలిపారు. నేతలిద్దరూ గురువారం ఫోన్‌లో సంభాషించుకున్నారు. ఉభయ దేశాల్లో మహమ్మారి కారణంగా ఎదురవుతున్న సవాళ్లు, టీకా కార్యక్రమంపై వారిద్దరూ చర్చించుకున్నట్టు ప్రధాని కార్యాలయం గురువారం ఓ ప్రకటనలో తెలిపింది.
విదేశాలకు బహుమతిగా 56 లక్షల డోసులు!
వివిధ దేశాలకు భారత్ 56 లక్షల డోసుల కొవిడ్‌-19 వ్యాక్సిన్ను బహుమతిగా, మరో 100 లక్షల డోసులను వాణిజ్యపరంగా అందించినట్టు విదేశీ వ్యవహారాల శాఖ ప్రతినిధి అనురాగ్ శ్రీవాస్తవ గురువారం వెల్లడించారు.